الرئيسيةالبوابةبحـثأرسل مقالس .و .جالتسجيلدخول
شاطر | 
 

 جرود تنورين - موسى زغيب

اذهب الى الأسفل 
كاتب الموضوعرسالة
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8229
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: جرود تنورين - موسى زغيب   الإثنين مايو 19, 2014 9:44 pm

جرود تنورين -  موسى زغيب

مرّه التقيت ببنت بجرود تنّورين
وغنّيت إلها غزل وبْيوت حنونه
وحسّيت فجأه عَطف نوّار عا تشرين
واخضرّ فيي اليباس وزهّرو غصوني

ردّيت إيد العشق عن قطف كوز التين
ودشَّرت هاك الجرد ونزلت عا "جوني"
ورجِعت وكانو عيون الأم عتبانين
التأخير بدّو سَبب والبنت محزونه

قالت في شاعر يا امّي قْصايدو حلوين
ومع كَون شايب أنا الشيبات عجبوني
شاهَد القونه عا صَدري وانحنا المسكين
ما باس صدري يا امّي بوّس القونه

تاري بنات الهوى عقال ومجانين
وهيّي بريئه ... وبس الأم ملعونه
من العشق فيها انزرع خبرة زمن وسنين
متل الكأنها بألف شيطان مسكونه

واستنطَقتها بْحَكي فيه القسى واللّين
تا تشوف مين الزرع بكفوفها سْخونه
وساعة ما عِرفِت أبو الشيبات هيدا مين
صَفنِت وسَردِت ورا أفكار مجنونه

وقالِت يا بنتي اعقلي موسى طُوي الستين
وانتي صبيّه وإلو مش لازم تكوني
روحي يا بنتي شوفيلِك شبّ بالعشرين
وخلّي لأمِّك أبو الشيبات يا عيوني

_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
 
جرود تنورين - موسى زغيب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: 000{ القسم الأدبي والشعري }000 :: أصدقاء شعر الزجل والكلام المحكي-
انتقل الى: