الرئيسيةالبوابةبحـثأرسل مقالس .و .جالتسجيلدخول
شاطر | 
 

 قصيدة المتة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
George Deeb
صديق فيروزي متميز جدا
صديق فيروزي متميز جدا


علم الدولة : Syria
الجنس : ذكر
المشاركات : 2080
العـمر : 67
الإقامة : Detroit
العـمل : Engineer
المزاج : Excellent
السٌّمعَة : 86
التسجيل : 13/11/2010

مُساهمةموضوع: قصيدة المتة    الجمعة يونيو 07, 2013 12:39 pm


قصيدة المتة للأستاذ غسان ديوب

المتة صارت بكفررام أكبر علة مخفية
صاروا زلاما اسم زلام وبراغيهم مرخية
*بيت عبود الخوري فوق الاسم المتعارف دونا
بشرب المتة عندن زوق جابوها و علامونا
... لكن ما بظني مخلوق بيعرف سرا و مضمونا
ما بيرضوها شغل السوق إلا الارجنتينية
عندن فيها فنون فنون المتلي ما فيه يعلمها
كل شحطة إلها قانون شرع المتة نظمها
و مشكراسيا يعني ممنون شكراً بالعربية
*ع بو موسى بس تميل و يقعد فوق الجبانة ( بوموسى رجل ناصح جداً)
فكر شربا للتنحيل ويصبح ريم الغزلاني
صفى من شربا دلفين وكرشو طبل السلطاني
بين الحوت و بين الفيل بتتحيير هالشخصية
*بعرفلك عبدو الطنوس ما بيرخي المشرب تكي
بس ببحر المتة يغوص بدوا بالوقعة تنكي
بدوا شي واحد مخصوص من ربعوا يفك الدكي
متل المكّوك المرصوص روحاتوا ع البرية
*عمي جبرا بس يفيق بينده عفيفة غارة (عفيفة زوجته)
بيحب المتة ع الريق و غفياني يا شحارا
بان بعيق و بان زعيق بيقلا لكْ يا حمارة
العالم سبقوني ببريق و انتي بعدك غافيي
*بو رطل ب(**البقرة) عندو اسم الله مجمع (**البقرة اسم الحارة ممنوع ذكره)
من عشيّة لعابكرة بصينيتو 12 مدفع
و الشخرة بضهر الشخرة تتصير الصلعة تلمع
و هيدي الاشارة حمرا الساعة 6 صبحية
*مرة عجايز بت سلوم عملوا بالحارة جمعات
حرمة رئيف المرحوم مع حرمة حنا و بهجات
يمكن شربوا تنكة زوم بتبشيطة فوق الزفتات
بس الزفت بوحه عموم علق بتياب الستات
هيدي توقع هيدي تقوم و راحوا بطاق الجبونات
*جنب الحيط بتعمل وش بهالصفوة المستورة
و الجحش المتلي بينغش بفكر صوت نهورا
حيط بت بيّ عم بينش و يا ويلي ع حيط بيّ
فكر بيّ من المزراب أصلى و فصلى هالنشة
مش حاسب للمتة حساب الحكمة مغطاة بقشة
بالشتوية ظنو صاب و دبر حالو بمقشة
بس النشة يا أحباب ما راحت بالصيفية
وقتى صابو بس جنان قللا روحي قوليلا
يا بعمل الله ما كان يا بتغير موديلا
قالت أمي أم غسان يقطع نحسك سقيلا
نحنا و أم يوسف جيران بنسمحلا تشخ علينا
بيّ يلي شافوا منو ما بيشبع تطليع
لسانو يبرم ع شفافو و بيقصع حالو تقصيع
منو خياتي خافوا و مين من بيّو مو فزيع
كل واحد تحت لحافوا وأمي راحت غافيّة
*للشمعة ماني ناسي طول بالك يا محبوب (الشمعة لقب لشخص)
خليني صفي راصي و اشربلو تاني مشروب
الناس بتشرب بالكاسة بس الشمعة بالقرعوب
*يا أهل كفررام بقول المتة ما منا نفعة
لا بتزيد القامة طول و لا بتزرع شعرة بّصلة
ضيعتنا من بت نقول حتى دق بالشمعة
كرّش بهوج و رهوج و فريماتون مرخيّة


الرجوع الى أعلى الصفحة اذهب الى الأسفل
http://www.fairouzehfriends.com/contact.forum
 
قصيدة المتة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: 000{ الأقسام الشبابية والترفيهية}000 :: أصـدقاء هل تعلم, حكم وأمثال-
انتقل الى: