الرئيسيةالبوابةبحـثأرسل مقالس .و .جالتسجيلدخول
شاطر | 
 

 روائع فيروز من سنة 1961 ـ 1970

اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6, 7, 8, 9, 10
كاتب الموضوعرسالة
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8229
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: ع إسمك غنيت - فيروز   الأحد مايو 27, 2012 8:56 am



ع إسمك غنيت - فيروز
سنة : 1970
كلمات: الأخوين رحباني
ألحان: الأخوين رحباني

عإسمك غنيت عإسمك رح غني
ركعت و صليت و السما تسمع مني
عتلالك عجبالك ركعت و صليت
هون السما قريبة بتسمعنا ياحبيبي
***
عبابي اتكيت عبــــــاب اللـــيالي
عليي طليت من برجـــــــك العالي
عتلالك عجبالك ركعت و صليت
هون السما قريبة بتسمعنا ياحبيبي
***
لسهولك اللي بتنبت سنابل و رجال و هياكل
لغاباتك المزروعة بلابل و زهور و معاول
لضيعنا الخجوله ركــــــعت و صليت
للحلا للطفوله ركـــــــــعت و صليت
لسيوفك البطولة وعيونك يندهوا لي
هون السما قريبة بتســــمعنا يا حبيبي
***
بمجدك احتميت بترابك الجنة
عإسمك غنيت عإسمك رح غني
واحمل بايدي كاسك المليان
وارفعه لفوق لمطرح اللي بيوقف الزمان
واســـــــــــــكر باسمك مجد يا لبنان





_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8229
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: سكتش دفاتر الليل - فيروز    الأحد مايو 27, 2012 7:45 pm

سكتش دفاتر الليل - فيروز
كلمات : الاخوين رحباني
ألحان : الاخوين رحباني

دفاترْ الليلْ برنامج تلفزيوني غنائي لبناني قديم, إنتاج تلفزيون لبنان عام 1970 , قدمته "السيدة فيروز"
على شاشة تلفزيون لبنان مع نخبة من الفنانين اللبنانيين الكبار وهو من تأليف وتلحين "الأخوين رحباني" ...
قدم الأغاني: السيدة فيروز, نصري شمس الدين, هدى حداد, جوزيف ناصيف, إيلي شويري, جورجيت صايغ,
ملحم بركات, أنطوان أو مروان محفوظ, نوال الكك, صلاح تيزاني (أبو سليم), عبد الله حمصي (أسعد),
محمود مبسوط (فهمان), محمد السراج, والفرقة الشعبية اللبنانية. ومن إخراج إنطوان س ريمي.
الأغاني
الأغنية -- شعر-- لحن-- غناء
وطني -الأخوين رحباني -الأخوين رحباني- فيروز
أمي يا ملاكي -سعيد عقل -الأخوين رحباني- فيروز
يمّ الحلق -الأخوين رحباني -فيلمون وهبي -نصري شمس الدين
اللي بحبا إسما زاهية- الأخوين رحباني -الأخوين رحباني- ملحم بركات
قمارة يا قمارة -الأخوين
رحباني -الأخوين رحباني - فيروز
كتبنا وما كتبنا -الأخوين رحباني -فيلمون وهبي -فيروز
شفتو عالعين- الأخوين رحباني- الأخوين رحباني- هدى حدّاد
يا ناعورة شوي شوي الأخوين رحباني الأخوين رحباني مروان محفوظ, نوال الكك
نحنا المراجل - مثال - مثال -ملحم بركات
في معهن سيارة ومعنا بسيكلاتات - مثال-مثال - جورجيت صايغ
راكبين بعربيّةوطايرين -مثال مثال -هدى حدّاد, مروان محفوظ
سكن الليل -جبران خليل جبران -محمد عبدالوهاب- فيروز
لعمل سلم فوق سلم -مثال- مثال -نصري شمس الدين والمجموعة
دهان مغطس بدهان- مثال- مثال- إيلي شويري
هيلا هيصة -مثال -مثال -ملحم بركات
يخزي العين- مثال- مثال- ملحم بركات والمجموعة
يا ماريّا يا مسوسحة القبطان- مثال- مثال- فيروز
وصلوا بحّارتنا وصلوا -مثال -مثال -فيروز و المجموعة
مراكبنا عالمينا -مثال- مثال- فيروز و نصري و المجموعة



................

والأغاني التي تغنيها فيروز هي
وطني
أمّي يا ملاكي
قمرة يا قمرة
كتبنا وماكتبنا
سكن الليل
يا ماريّا يا مسوسحة القبطان
وصلوا بحّارتنا وصلوا
مراكبنا عالمينا



_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8229
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: مسرحية يعيش يعيش فيروز   الأربعاء مايو 30, 2012 8:05 pm



مسرحية يعيش يعيش فيروز
الشخصيات:
هيفا/فيروز
الصياد ابو ديب/نصري شمس الدين
الشاويش عبود افندي/وليم حسواني
شبلي /فيلمون وهبي
المهرب ملهب/انطون كرباج
ام عبدو/نوال الكك
مفلح/جوزيف ناصيف
صالح افندي/جوزيف صقر
كتابة و الحان: الخوين رحباني
عدا:ليلية بترجع يا ليل/فيلمون وهبة و انا هويت كتابة سيد درويش
اغاني المسرحية:
واك يا جدي -نصري شمس الدين مع فيروز
يا رايح ع كفار حالا
وفد وفد
يا شاويش الكراكون
شادي
ليلية بترجع يا ليل
دارت الأرجيلة
دارت الأرجيلة
حبيتك بالصيف
أنا هويته وانتهيت
طلع المنادي ينادي
طلع المنادي ينادي
برد الطقس /نصري شمس الدين
(قدمت على مسرح البيكاديللي 1970)
إنقلاب عسكري آخر يحصل في إمبراطورية ميدا, المصابة بوباء الإنقلابات.
ينجح الإمبراطور (جوزيف ناصيف) في الهروب من القصر, وبمساعدة
أعوانه الموالين, تمكن من الوصول إلى دكان قريب من الحدود, يملكه بو ديب (نصري شمس الدين) الطيب,
والمولع بالصيد, وتديره هيفا (فيروز)
حفيدته, وهي صبية ظريفة, حاذقة, وسريعة الكلام.
سمع بو ديب وهيفا من الإمبراطور الهارب قصة ملفقة, عن كونه شخص بسيط اسمه برهوم,
وأنه مطلوب من الشرطة بسبب ضربه لزوجته وحماته,
أملاً في إخفاء شخصيته الحقيقية. لذلك ناشدهما الاختباء في الدكان, وافقا بالطبع,
وتم اختراع مهمة غسل الصحون في الدكان, بثيابه العادية, ولحيته
الحليقة, كان من الصعب التيقن بأن برهوم, هو الإمبراطور المخلوع.
كان برهوم غالباً ما يتحدث مع هيفا بذهن متّقد, هيفا التي كانت تؤكد أن الوقت قد حان لتغيير القوانين في البلاد,
في الشكل والمضمون, وأن مفتاح نجاح
أي حكم قادم, هو التحديث الذي من شأنه أن يهتم بتفاصيل الحياة اليومية.
كما أصبح صديقاً للمهرّب ملهب (أنطوان كرباج) الذي هو بشكل أو بآخر نسخة حديثة لـ"روبن هود",
والذي كان يهرّب لمنفعة الناس, تبادلا وجهات
النظر حول القضايا الراهنة أيضاً. في أثناء ذلك, يتضح أن الحكم الانقلابي الجديد فاسد أيضاً,
وغير فعال, شأنه شأن الحكم السابق.
يقوم ملهب المهرب بالتخطيط لانقلاب آخر, والذي يؤدي في النهاية إلى الإطاحة بالحكم,
كما عيّن برهوم في منصب الامبراطور الجديد. حالما تسلّم منصبه
الجديد/القديم, نسي برهوم كل وعوده وأهدافه, وقام حالاً بإرسال من يفتش دكان هيفا وجدها,
للبحث عن الفارّين من النظام الانقلابي الجديد.
يتم اعتقال هيفا وجدها في النهاية, لمنع أية محاولة إيواء أي هارب أو مطلوب, في المستقبل.
على الرغم من كآبة هذه المسرحية, إلا أنها في الواقع مليئة بالمواقف والحواريات والتعابير الظريفة,
مع أغانٍ وموسيقا رائعة. يكفي أن نذكر أنها
تتضمن أغانٍ مثل: "حبيتك بالصيف", "شادي", "يا شاويش الكركون" و"ليلية بترجع يا ليل",
بالإضافة إلى الحواريات الغنائية الآسرة بين هيفا
وجدها المولع بالصيد.
تنتهي المسرحية بفكرة لاذعة في أغنية تقول: "الرعيان بوادي, والقطعان بوادي",
مؤكدة الاختلاف الكبير بين عالم الحاكمين, وعالم المحكومين
.
.................



والأغاني التي غنتها فيروز هي
واك يا جدي -نصري شمس الدين مع فيروز
يا رايح ع كفار حالا
وفد وفد
يا شاويش الكراكون
شادي
ليلية بترجع يا ليل
دارت الأرجيلة
دارت الأرجيلة
حبيتك بالصيف
أنا هويته وانتهيت
طلع المنادي ينادي



_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8229
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: واك يا جدي -مع فيروز مع نصري شمس الدين   الأربعاء مايو 30, 2012 8:47 pm


واك يا جدي -مع فيروز مع نصري شمس الدين
سنة : 1970
كلمات : الاخوين رحباني
ألحان : الاخوين رحباني

فيروز: واك يا جدي يا بو ديب .... إيدك وين كسرتها؟
نصري : بالصيد...
فيروز: واك يا جدي يا بو ديب ... إجرك وين فكشتها؟
نصري : بالصيد...
فيروز: وين عقصتك الحية؟
نصري : بالصيد...
فيروز: هالشيبة وين قضيتها؟
نصري : بالصيد...
فيروز: وشو بدك بالصيد؟
نصري : بدّي الصيد ...بدّي وبدي..
فيروز: إيه يا جدي...
نصري : شوف السما حدّي...
فيروز: إيه يا جدي...
نصري : إشرد ع َبواب الحراش وما إعرف وين هدّي..
فيروز: إيه.. إيه .. إيه يا جدّي..
نصري : بدّي العالي وطيور العلالي... كمّش النسورة والنسر قدّي..
فيروز: إيه.. إيه .. إيه يا جدّي..
نصري : وعَ مصب النبوعة يلاقوني ضبوعة.. أنا قتّل .. وإنتِ عدّي..
فيروز: إيه.. إيه .. إيه يا جدّي..
نصري : وقصص الصيد وحكايات الصيد... آه يا هيفا شو حلو الصيد...
فيروز: الصيد بيسلينا قصصه ليالينا لكن بصيروا السهّيرة يتطلّعوا فينا...
يقولوا بو ديب زود الخبرية وبيني وبينك يا جدي بتكون عم بتزيدها ... شوية
نصري : يا بنت بنتي.. يا هيفا بنت بنتي.... لمّا بتشوفيني زدتها وينك إنتِ...
على الإنسجام بتكبر الخبرية.. إبقي اعملي لي إشارة برجع بزغرها ... شوية
لمّا بزيدا شو؟
فيروز: إشاره...
نصري : شفتي مطرح ما قوست السبع؟
فيروز: جدّي... وين بعد في سباع؟
نصري : هوّ ضبع قد السبع...
نصري : شفتي مطرح ما كمشت التمساح؟
فيروز: جدي... الحرش مش نهر الأمازون..
نصري : حرباية قد التمساح...
فيروز: آه آه...
نصري : على الصيد آه..
فيروز: عل الحجال...
نصري : آه...
فيروز: عَ الترغل...
نصري : آه...
فيروز: على السبع وعَ التمساح
نصري : آه... آه...
فيروز: وآه إنتَ وراجع وما معك شي.. وخلقك طالع...
هيدي آه آه ..آخ...
فيروز: قصص الصيد وحكايات الصيد...
نصري : أه يا هيفا شو حلو الصيد...
فيروز: وأه يا جدّي شو حلو الصيد...
فيروز ونصري : شو حلو الصيد
...





_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8229
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: يا رايح ع كفار حالا - فيروز   الأربعاء مايو 30, 2012 9:05 pm


يا رايح ع كفار حالا - فيروز
سنة : 1970
كلمات : الاخوين رحباني
ألحان : الاخوين رحباني

يا رايح ع كفار حالا ... امروق بسوق العنّاب
في بنت بتنسى حالها ... وهي على هاك الباب
خبرنا كيف احوالها ... يا رايح ع كفار حالا
***
ع شــمالك في دكــانة ... بتبيع مغازل صـوف
بنت بتقعد ســـــهيانة ... تنطر تيجيها ضيوف
حلوة والخصر بيلوي ... وما بتعرف انا حــلوة
لا تفوّقها على حالها ... بلكي اشــــغلت لها بالها
***
تعرفــــها من عينيها ... بيضلو تعبــــــانين
وتتطلـــّع ع إيـــديها ... وع خواتمها الحلوين
قـــرّب خبرها عنّي ... بلـكي زعلانة مــــنّي
واسرق لي وإنت قبالها ... خيط زغيّر من شالها
***
و ان كان حالتـــها حالة ... وع ريفـها شفت دموع
قل لها عنيها ببــــالي ... همـــها بوجهّي مزروع
وتحرقني هاك الضحكة ... ال بدها تحكي وما بتحكي
ياخوفــي من خيالــــها ... والبعـــد يغير حالـــها






_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8229
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: وفد وفد - فيروز   الجمعة يونيو 01, 2012 5:34 pm

وفد وفد - فيروز
سنة : 1970
كلمات : الاخوين رحباني
ألحان : الاخوين رحباني

الشاويش : وفد وفد جايي وفد
حاجز تنبيش و تفتيش
هيفا : وفد وفد جايي وفد جبنة لبنة سندويش
الشاويش : وفد وفد جايي وفد فرودة مصادرة و تكميش
هيفا : وفد وفد جايي وفد بيع ودفع و بخاشيش
الشاويش : انتبهوا
هيفا : انتبهي
الشاويش : فتشوا نبشوا وقفوا حاجز متل النار
بلكي حدا مخبي سلاح بالجاكيتة بالزنار
المهربين : و اللي سلاحه ظاهر يا جناب الشاويش
الشاويش : اللي سلاحه ظاهر ما بده تفتيش
وفد وفد جايي وفد تلات عسكرية و شاويش
هيفا : وفد وفد جايي وفد بندبر لهن مناقيش
المظاهرة : ياه ياه ياه ياه ياه يعيش
يعيش يا يا ياه يعيش زعيمنا
ياه يعيش
و حبيبنا
ياه يعيش
و الوزرا و النواب و جماعة الانقلاب و الدورية و الشاويش
و يعيش يا و ياه ياعيش
الشاويش : وقفوا شوية في تنبيش
المظاهرة : و باه ياه ياه ياه و ياه يعيش
الشاويش : في تنبيش و في تفتيش
المظاهرة : و يعيش يايا ياه ياعيش
الشاويش : وقفوا شوية روقوا شوية افهموا عليي في تفتيش
احد المتظاهرين ( ايلي شويري ) : على شو يا افندي ؟
الشاويش : على شو ؟ عالسلاح
المتظاهر : قطعت لي قلبي افتكرنا غير شي
الشاويش : ليش معكن غير شي ؟
المتظاهر : ابدا وحياتك شوية فرودة و شوية رشاشات
نخنا مش جايين نحارب عم بنأيد الحكومة
هيفا : يا عبود افندي اذا الحكومة ما حدا غريب
انت ضد الحكومة ؟
الشاويش : انا ؟ ابداً غير الحكومه مافيش
يعيش يايا و ياه يعيش
هيفا : أرضك غنية..... عافى الله
و بيوتك رضية...... من الله
و ع جبالك العز راية علية



_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8229
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: يا شاويش الكركون - فيروز   الجمعة يونيو 01, 2012 6:25 pm

يا شاويش الكركون - فيروز
سنة : 1970
كلمات : الاخوين رحباني
ألحان : الاخوين رحباني

يا شاويش الكركون ... وحياتك لا تأخرنا
إم الأصفر ع البلكون ... قالت بدا تنطرنا
يا شاويش الكركون الكــركون الكركون
***
ردت ردت قمطتها ... ع الغرة العسلية
والشوق اللي بلفتتها ... من إيام الصيفية
***
و لما طارت غرتها ... والهوا لوح جبهتها
غربتنا بجوز عيون عيون عيون عيون عيون
***
شدت شدت زنارها ... ع زهور الخصرالمايل
والياقوتة المحتارة .... مشـــكولة بالجدايل
و لما بهاك الإشارة ... قلت لها بحبك يا جارة
قالت حبي كله جنون جنون جنون





_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8229
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: شادي - فيروز   الجمعة يونيو 01, 2012 6:33 pm


شادي - فيروز
سنة : 1970
كلمات : الاخوين رحباني
ألحان : الاخوين رحباني

من زمان أنا وصغيرة
كان في صبي يجي من الحراش
ألعب أنا وياه
كان اسمه شادي

أنا وشادي غنينا سوى
لعبنا على الثلج
ركضنا بالهوا
كتبنا على الأحجار قصص صغار
ولوحنا الهوا

ويوم من الأيام ولعت الدني
ناس ضد ناس علقوا بهالدني
وصار القتال يقرب على التلال
والدني دني

وعلقت على اطراف الوادي
شادي ركض يتفرج
خفت وصرت انده له
وينك رايح يا شادي
انده له وما يسمعني
ويبعد يبعد بالوادي
ومن يومتها ما عدت شفته
ضاع شادي

والثلج اجا وراح الثلج
عشرين مرة اجا وراح الثلج
وانا صرت اكبر وشادي بعده صغير
عم يلعب عالثلج





_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8229
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: ليلية بترجع ياليل - فيروز   الجمعة يونيو 01, 2012 6:59 pm


ليلية بترجع ياليل - فيروز
سنة : 1970
كلمات : الاخوين رحباني
ألحان :فيلمون وهبة
ليلية بترجع ياليل وبتسأل عن الناس
وبتسقيهم يا هالليل كل واحد من كاس
غيب لك شي ليلة يا ليل و انسانا يا ليل

ليلية العينين السود بيطلوا يبكّوني
غزلوني على صوت العود غنيّة و غنوني
قلتلي خبيني بقلبك و انسيني
يا زهر القناطر فتح هالميل و هالميل
غيب لك شي ليلة يا ليل و انسانا يا ليل

أنا مش سودا بس اليل سودني بجناحه
مرقوا الخيالة ع الخيل تركوني وراحوا
ندهتلون راحوا لاوقفوا ولا ارتاحوا
معهم حبيبي ما سمعني بعدوا بعدوا الخيل
غيب لك شي ليلة يا ليل و انسانا يا ليل

ليلية بترجع ياليل و بتسأل عن الناس
وبتسقيهم يا هالليل كل واحد من كاس
غيب لك شي ليلة يا ليل و انسانا يا ليل






_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8229
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: دارت الارجيلة - فيروز   الجمعة يونيو 01, 2012 7:36 pm


دارت الارجيلة - فيروز
سنة : 1970
كلمات : الاخوين رحباني
ألحان :الاخوين رحباني
دارت الارجيلة يا اهلا بالارجيلة
نتسمع على كرّتها
نسهر على تقسيمتها
ونشوف الليلة الطويلة مش طويلة

تدور تدور الارجيلة تدور
ياصبية مافي الها ناطور
تهل علينا و تطل علينا وعلى غيم الدخان تدور
تدور على ناس قاعدين مع ناس
على نفس الكراسي وراق الكاس
جمعتهن الارجيلة بالليلة الطويلة
والسهرة بخيلة والغنية تدور

ولما بمرق تحت النار عيونك بتخبيني ...
وبندهلك ياقمر نوار وبحطك ع جبيني
رقصة ع حديد البواريد خطر جديد وفرح جديد
انا قنديل وانت العيد انا حقلة وانت الناطور






_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8229
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: حبيتك بالصيف - فيروز   الجمعة يونيو 01, 2012 7:55 pm


حبيتك بالصيف - فيروز
سنة : 1970
كلمات : الاخوين رحباني
ألحان :الاخوين رحباني

بأيام البرد و أيام الشتي
و الرصيف بحيرة و الشارع غريق
تجي هاك البنت من بيتها العتيق
و يقل لها انطريني و تنطر ع الطريق
و يروح و ينساها و تدبل بالشتي

حبيتك بالصيف حبيتك بالشتي
نطرتك بالصيف نطرتك بالشتي
و عيونك الصيف و عيوني الشتي
ملقانا يا حبيبي
خلف الصيف و خلف الشتي

مرقت الغريبة عطيتني رسالة
كتبها حبيبي بالدمع الحزين
فتحت الرسالة حروفها ضايعين
و مرقت أيام و غربتنا سنين
و حروف الرسالة محيها الشتي





_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8229
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: أنا هويت وانتهيت - فيروز   الجمعة يونيو 01, 2012 8:04 pm


أنا هويت وانتهيت - فيروز
سنة : 1970
كلمات : يونس القاضي
ألحان : سيد درويش
سنة : 1970
انا هويت
أنا هويت وانتهيت وليه بقى لوم العذول
يحب إني اقول ياريت الحب ده عني يزول
مادمت انا بهجره ارتضيت خلي بقى اللي يقول يقول
الدور
أنا وحيبي في الغرام مافيش كده ولا في المنام
أحبه حتى في الخصام وبعده عني ياناس حرام
مادمت انا بهجره ارتضيت منى على الدنيا السلام


..............


_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8229
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: طلع المنادي ينادي - فيروز   الجمعة يونيو 01, 2012 8:12 pm


طلع المنادي ينادي - فيروز
سنة : 1970
كلمات : الاخوين رحباني
ألحان : الاخوين رحباني
طلع المنادي ينادي مافيهاش إفـادة
الرعيان بــوادي والقـطـعان بوادي

عم يمشـــوا بِواديهن والليـل كــــــبيـر
واديهن كراسيهن ويخـــــافـوا تطـيـر
والريح تمرجح فيهن تاخدهن وتلوّيهن
حاجي تصرخ يامنادي من وادي لوادي

نحنا وادينا طايرعم يمشي صوب الضو
ونعمّر العمـــــــاير ونـعـلّـيـها بالــــجـو
والشتي ع شجرنا والصيف بقـناطرنا
والغـنّـية زُوّادِة من وادي لـــــــوادي

حاجي تصرّخ يامنادي من وادي لوادي
مـن وادي لـوادي من وادي لــــــو ادي





_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
 
روائع فيروز من سنة 1961 ـ 1970
الرجوع الى أعلى الصفحة 
صفحة 10 من اصل 10انتقل الى الصفحة : الصفحة السابقة  1, 2, 3, 4, 5, 6, 7, 8, 9, 10

صلاحيات هذا المنتدى:لاتستطيع الرد على المواضيع في هذا المنتدى
 :: 000{ القسم الفني }000 :: أصـدقاء المنوعات الغنائية-
انتقل الى: