الرئيسيةالبوابةبحـثأرسل مقالس .و .جالتسجيلدخول
شاطر | 
 

 حمصيات للعظم

اذهب الى الأسفل 
كاتب الموضوعرسالة
Tony
صديق فيروزي مساهم
صديق فيروزي مساهم
avatar

الجنس : ذكر
المشاركات : 489
العـمر : 34
الإقامة : THere
العـمل : Good
المزاج : Ok
السٌّمعَة : 0
التسجيل : 20/04/2007

مُساهمةموضوع: حمصيات للعظم    الخميس أغسطس 11, 2011 9:35 am

اذا انكسرت كاسة بيقولوا: انكسر الشر

من يأكل من رغيف غيره يخاصمه و يعاديه ( أحيانا بتلاقي الإم عم تخانق ابنها لانو اكل من خبزة اخوه : ليش! قال اذا اكل من خبزة اخوه بيتخانق معو (

اذا مر حدا فوق الطفل ما بقا يطول ( انو اذا طفل صغير مسطح ما بصير حدا يمر من فوقوا ليشششش لان ما بعود بيطول الولد بيطلع قصير؟؟!!!

قص الاظافر بالليل مو منيح (لا تسألو ليش ما بعرف ولا حدا بيعرف بس مو منيح و خلص (

مراششة الميه فراق (ما بصير حدا يرش رفيقو بالمي لان بعدين بيتفرقوا (

يلي بيفوت على بيت جديد بيفوت معه عرق اخضر و مقص و مصحف و يدخل بالرجل اليمين

اذا اجت الكندرة فوق الكندرة يعني رايحين مشوار

اذا زحف الولد او زقزقت العصافير معناها جاينا ضيوف

اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتك بالعاطل

اذا كان في خناقة بيقولوا اقلبوا الصرامي لتحمى الخناقة (شماتة ) الله لا يشمت حدا فينا

اذا رفت عيني اليمين بيكون جاينا خبر طريف

ذا رفت عيني الشمال بيكون جاينا خبر مو منيح

اذا حكني حاجبي معناها بدنا نستقبل حدا جاي من السفر

و ما بصير الحمام بالليل

و ما بينفع كب المي بالبلوعة بالليل من غير التسمية بالله و الاستعاذة أولا (يالطيف مشان ما يأذونا ولا نأذيهن (

واذا شفت مقص مفتوح لازم فورا تسكرو ( لانو المقص الفاتح تمو بيعمل خناق(

وما بيصير نفتح ونسكر المقص كتير كمان بيعمل خناق

إذا عمل العصفور تحتو على الأواعي يعني جاييكون رزقة

و دلق القهوة رزقة

و شرب المي بعد القهوة قلة زوء

إذا حكني كفي اليمين معناها بدي أقبض مصاري

و إذا حكني كفي اليسار معناها بدي أدفع مصاري

و اذا الولد الصغير كتير ابن الشهور عم يضحك لحالو بيقولو الملايكة بتكون عم تحاكيه (ملايكة حمص طبعاً)

و في اعتقاد انو اذا البنت اول ما خلقت وطوطوها ( يعني دهنوها بدم وطواط ) ما بيعود بيطلعلها شعر بجسمها أبداً

وكمان يلي حامل بصبي بتتباشع ويلي حامل ببنت بتحلى

و كمان إذا حدا صبلك شاي او قهوة وملّى الفنجان كتير بكون قلبوه مليان منك واذا صبها ناقصة هدا دليل على انو هالشخص ناقص

واذا عندك ضيف اتقيل دم وبدك يروح من عندك على السريع شك دبووس او عدة دبابيس بأيد المقشة او اقرأ سورة الزلزلة

واذا خايف من عين اتصيبك جيب ورقة واكتب عليها اسم الشخص الي خايف من عينو وغزها بالدبوس
وانت عم تقراء المعوذات وتقول من عين افلان و تنفخ

و يلي بيعد النجوم بيطلعلو تالولات بايدو

وبعد ما نخلص صلاة نطوي السجادة مشان الشيطان ما يصلي عليها (معلش خليه يصلي وياخود ثواب)
..................
الرجوع الى أعلى الصفحة اذهب الى الأسفل
Maria
صديقة فيروزية نشيطة
صديقة فيروزية نشيطة
avatar

الجنس : انثى
المشاركات : 614
الإقامة : !!
العـمل : !!
المزاج : !!
السٌّمعَة : 76
التسجيل : 13/01/2011

مُساهمةموضوع: رد: حمصيات للعظم    الخميس أغسطس 11, 2011 5:03 pm

شكرا أخ طوني عالموضوع الممتع. لكن حبيت اقول إنه هاللأقوال بيقولوها أيضا في الأردن وفلسطين وكل قول من هذه الأقوال له ذكرى خاصة وجميلة في حياتنا... vthank
الرجوع الى أعلى الصفحة اذهب الى الأسفل
 
حمصيات للعظم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: 000{ الأقسام الشبابية والترفيهية}000 :: أصـدقاء النكت والطرائف والأبتسامة-
انتقل الى: