الرئيسيةالبوابةبحـثأرسل مقالس .و .جالتسجيلدخول
شاطر | 
 

 قصايد زجل

اذهب الى الأسفل 
انتقل الى الصفحة : الصفحة السابقة  1, 2, 3, 4, 5  الصفحة التالية
كاتب الموضوعرسالة
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8234
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: رد: قصايد زجل    الأربعاء ديسمبر 29, 2010 9:17 pm


زجل نغم ابي كرم وتينا اسعد- برنامج آوف


---------------


......................

_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
أبو فادي

avatar

الجنس : ذكر
المشاركات : 273
العـمر : 32
الإقامة : سوريا
العـمل : !!!
المزاج : جيد
السٌّمعَة : 12
التسجيل : 08/01/2010

مُساهمةموضوع: رد: قصايد زجل    السبت يناير 29, 2011 1:12 pm

وهذه قصيدة لموسى زغيب :

صار لي عُمُر فتّش ع طريقة -- تكشف بعض أسرار الخليقة
وقبل كم عام صفيت النوايا --- ورحت أستوطن بوادي سحيقة
ومعي ربّيت في واد الودايا --- ثلاث بْنات خطوتهن رشيقة
وبفضل البيت سمّيت الصبايا---الأمانة ، والقناعة ، والحقيقة
كبروا، وجيت من واد الودايا-- سكنت بدار للوادي صديقة
وبدوا يطلّوا الشباب من الخبايا-- وخذلك شرح وعواطف رقيقة
الأمانة حَبّها فارس مطايا -- خطبها ، وقبل ما نمضي الوثيقة
طلع غدّار، يسهر بالزوايا -- وانا بقلاّ : يابنتي في طبيقة !!
الأمانة أمّنتلو عالوصايا --- ويا عيني عالأمانات الدقيقة !!
وبنتي الثانية بأحلى مزايا--- القناعة ، حَبها عازف موسيقى
وصار يشنكل خصور الطرايا-- ويدخل من حديقة على حديقة
القناعة بتقنع،وعن هالقضايا-- ان إجت تاتقول ، يقنعها بدقيقة!!
ووصل ثالث فتى زنودو قوايا-- إجا يسأل على ثالث شقيقة
بنتي الثالثة ، أغلى العطايا -- الحقيقة ؛ في لها نظرة غميقة
قالاّ: والدي عندو سرايا --- قالتلو : عندكن أوضة عتيقة
قالآّ: طاهر بحبّ الوفايا --- قالتلو : كِذِب؛ في عندك عشيقة
الحقيقة ان نزلت عليها البلايا--لغير الحق ما بتمشي رفيقة
وبعد ما فل، وعرفت القضايا-- ْرجِعِِت خلّيتها عندي لأنّو
-------- في جيل الكِذِب ما بجوّز حقيقة ---------
الرجوع الى أعلى الصفحة اذهب الى الأسفل
George Deeb
صديق فيروزي متميز جدا
صديق فيروزي متميز جدا


علم الدولة : Syria
الجنس : ذكر
المشاركات : 2091
العـمر : 69
الإقامة : Detroit
العـمل : Engineer
المزاج : Excellent
السٌّمعَة : 86
التسجيل : 13/11/2010

مُساهمةموضوع: رد: قصايد زجل    السبت يناير 29, 2011 2:11 pm

شعر حلو ومرتب وفيه حكّم جميله
اجمل تحياتي والله يعطك العافيه
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8234
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: رد: قصايد زجل    الإثنين فبراير 07, 2011 6:17 pm

مرايه موسى زغيب
---------------
طلّت.. ببدله متل بدلة شجر أيلول
المن كم ورقه على الداير معرايه
والعنق مدري تلج مدري دهب مشغول
والشوق يحكي إلي بعيونها حكايه
وتفلّت زرار الصدر من عروة المريول
ويزرع بعيني العطش نظره بألف غايه
وتُصرخ طيور التلج من خوفها وتقول
دخلك اتركني بريئه متل ما جايه
وإتكي بكذب النعس عا وردها المخجول
إحلم بشمّه من الورده المندّايه
وما تقول كنّو الطلب مرفوض أو مقبول
تا يذلّ نَفسو الطلب ويصير ترجايه
قالت بتِسكّر؟ قلت ليل الدني المجهول
ما كان عتّق جرار الخمر لولايي
قالت بتعشق؟ قلت جنّيتي عاطول
وين ما بتدعس كأنو رنّ دهبايه
قالت عطيني شي صوره لجَفنها المكحول
تاشوف وجه الحبيبه الشغلك كفايه
تطلّعت فيها بنطرة عاشق ومقتول
وخبّيت كل الصور.. وعطيتها مرايه

-------------------

_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
أبو فادي

avatar

الجنس : ذكر
المشاركات : 273
العـمر : 32
الإقامة : سوريا
العـمل : !!!
المزاج : جيد
السٌّمعَة : 12
التسجيل : 08/01/2010

مُساهمةموضوع: رد: قصايد زجل    الجمعة فبراير 18, 2011 12:56 pm

هلق صار فينا نحت الفيديوهات من الزجل ..هههه
وهلق رح جرب ..مع اجمل عتابا ...

الرجوع الى أعلى الصفحة اذهب الى الأسفل
أبو فادي

avatar

الجنس : ذكر
المشاركات : 273
العـمر : 32
الإقامة : سوريا
العـمل : !!!
المزاج : جيد
السٌّمعَة : 12
التسجيل : 08/01/2010

مُساهمةموضوع: رد: قصايد زجل    الجمعة فبراير 18, 2011 1:12 pm

وديع الصافي مع جوقة الزجل ..

الرجوع الى أعلى الصفحة اذهب الى الأسفل
أبو فادي

avatar

الجنس : ذكر
المشاركات : 273
العـمر : 32
الإقامة : سوريا
العـمل : !!!
المزاج : جيد
السٌّمعَة : 12
التسجيل : 08/01/2010

مُساهمةموضوع: رد: قصايد زجل    الأربعاء مارس 02, 2011 11:26 am

قصيدة شروقي لموسى زغيب


الرجوع الى أعلى الصفحة اذهب الى الأسفل
أبو فادي

avatar

الجنس : ذكر
المشاركات : 273
العـمر : 32
الإقامة : سوريا
العـمل : !!!
المزاج : جيد
السٌّمعَة : 12
التسجيل : 08/01/2010

مُساهمةموضوع: رد: قصايد زجل    الأربعاء مايو 18, 2011 9:22 am


قصيدة للشاعر المرحوم خليل روكز

ما زال رح تبقى عاحبّي مكبّره
وما زال ما في عفو عند المقدره
انشالله تموتي وما حدا لدفنك يجي
وقيمكْ لوحدي ووصّلك عالمقبره

وصدفِه ان إجا إنسان تا يحملْ معي
بقلّلو تْركْني وبالوصيِّه بدّعي
من ميل* تحت النعش بخفي مدمعي
ومن ميل وحدي بكون حامل جوهره

وكل فشخه.. كنتْ بقعد بستريح
بْزيحْ الغطا وبِتأمّل بوجهك منيح
وبسقي شفافك من عطش قلبي الجريح
وبطلب من عيونك شفاعه ومغفره

وكل ما ارتحت ورجعت قيمك من جديد
بصير صلّي تالقبِرْ يبقى بعيد
منشان إشبع والنعش يشبع نهيد
شبعِةْ أبد حامل بنعش الآخره

وغنّي فراقيات وسنيني الكتار
يدوبو عاداير نعشك الأبيض غبار
ونوقع أنا والنعش آخِرةْ النهار
وقعِةْ إبن مريم عا درب الناصره

وبرجع بقيم النعش عن أرض الهموم
وبشحد شوية عمر من عمر الغيوم
وبعود إمشي هون أوقع هون قوم
وضيّع نهاري بالمشي وعند الغياب
نوصل أنا وإنتي سوا عالمقبره
الرجوع الى أعلى الصفحة اذهب الى الأسفل
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8234
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: الإرشاد الرسولي....للشاعر الزجلي خليل شحرور   الخميس أكتوبر 20, 2011 3:48 pm

الإرشاد الرسولي....للشاعر الزجلي خليل شحرور...
--------------------------------
مبارح البابا زارنا بجبين
بيشبه شروق الشمس ع صنين
باسم المحبة وباسم يسوع
الاسلام بارك والمسيحيين
ومطرح ما صلّى عالبرج فينا
وزكّى التراب وقدّس المينا
بيكون قالوا له أهالينا
هيدي الأرض كانت أراضينا
واليوم لا أرض ولا ملاكين
ولمّا قبالو كلنا مرقنا
عَ البرج كتف بكتف متّحدين
احتار كيف الدين فرّقنا
واليوم جامعنا الصلا والدين
يا سيّدي الجايي بلهفة وشوق
شعبنا المعروف كلو ذوق
اللي تحت متفقين بس الفوق
يا سيّدي هني اللي مختلفين
من وقت ما قالوا استقلّينا
خواريف ع ديهن تربّينا
وكل ما استحلوا يعيّدوا علينا
بيمرقونا تحت هالسكين
ساعة باسم ميثاق مش مكتوب
وساعة باسم الطائف المصلوب
ومش عاقياس الموطن المنكوب
عاقياسن بيفصلو قوانين
يا سيّدي يا أقدس الأقداس
إرشادك وتوجيهك ع الراس
ما إنت أعرف من جميع الناس
قيامة الأوطان ما بتقوم
إلا عإيدين قدّيسين

_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8234
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: رد: قصايد زجل    السبت أكتوبر 22, 2011 6:10 pm


الشاعر الزجلي ـ جان رعد


الربيع
طل الربيع وزنبقو البيفوح
عقبال ما يطلطل ربيع الروح
راحت عواصف تلجة كوانين
يا ريت عاصفة الغلا بتروح
والجو يمطر عالدني تلاحين
وصوت القلب ما نسمعو مبحوح
وتوعي القلوب النايمه من سنين
عافراش ملياني شقى وجروح

يا رب لبنان الدني والدين
يبقى على هالحال مش مسموح
ارمي السلام عليه كنلو معين
ساعد شعب باني الكرامة صروح
الا لألله ما نحنالو جبين
ضد العواصف بيرقو بيلوح
ولو طاف بحر الكون عالتكوين
من ارز الله بيخلق المركب
وكل شخص من لبنان اسمو نوح
الى كل لبناني
كنتو ارز خالد قوي جبار
صرتو حطب تا يسد جوع النار
كنتو جبل عاكل تلة نسر
صرتو جبل مخض وخلف فار
بين السما والأرض كنتو جسر
صرتو معابر شر للأشرار
كنتو ليوم العسر ساعة يسر
صرتو شعب ممنوع يسكن دار
كنتو لمعهد هالدني جبران
صرتو شعب والجهل عاميكن
كنتو نحل لبنانكن قفران
صرتو زراقط والأذى فيكن
كنتو الخمر والكون كان سكران
صرتو كرم يابس دواليكن
كانو اهاليكم بنو الأوطان
شو الفرق بين انتو وأهاليكن؟

_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8234
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: لمّا - للشاعر ميشال قهوجي    الجمعة أكتوبر 28, 2011 7:57 pm


لمّا - للشاعر ميشال قهوجي


لمّا السلم بيصير إرهاب وحروب
ولمّا الفطور يصير من بعد الغدا
ولمّا الشمال يطير ويصفّي جنوب
ولمّا الخبر بيصير قبل المبتدا
ولمّا السمك بيصير يسبح عالدروب
ولمّا الجَرَس ما نعود نسمعلو صدى
ولمّا الشمس تشرق علينا من الغروب
ولمّا الجبال تطير ويضيق المدى
ولمّا البحر من موجتو نقطف طيوب
ولمّا الحياة عيونها بتطفي الردى
ولمّا من الأطماع منفضّي الجيوب
ولمّا نشوف العدل في عدلو ابتدى
في وقتها بتحكي لسانات الشعوب
صار في مسؤول.. صار عِنّا حدا


_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8234
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: لبنان - خليل روكز    السبت أكتوبر 29, 2011 4:29 pm


لبنان خليل روكز "أبو طارق "
لا.لا.انا ما شهقت ساعتها ........................ عندما طلّت بقامتها
..ولادمعت عيوني ورا البسمات ....... ولا لبسمتي دعوى ببسمتها
لا.لا.انا ما عرفتها بالذات ................ ولا قبل هلق شفت خلقتها
ومهما المخبّى تفضحو النظرات ........... ما فضحت سراري بنظرتها
لازلا.انا ما عرفتها ولا فات ................ سنين من عمري بعشرتها
ولا عشقتها ولا تموّنو نحلات ............... شفّتي من عطر شفّتها
ولا دقت مرّةخدود خمريّات ................ دموع الصبا والشوق بلّتها
ولا شفت مرّة خمس شاميّات............. عنبر,هدي عا تلج صرّتها
لا.لا.انا ما غمرتها ساعات ............. ودابت رموشي من حلاوتها
ولا فوق زندي تفلفشو شعرات ..... حبال الشمس سرقت نضارتها
لا.لا.انا ما عملتها حكايات............. قصدان ....عني الناس رويتها
ولا رسمتها عا شرشف النسمات ............ ورحت اتعّبد لرسمتها
.لا.لا.انا ما زرعتها بوسات ........... ولا فوق خدّي طبعت دعستها
ولا عملتها للآلهة خيالات ............... وسجدت عيوني قبال عزتها
لا.لا.انا ما سمعتها آ هات ............ نشوى ولا مني الآه سمعتها
.ولا قدرت مرّة لملم النهدات ............ الما بين وقت ووقت فلتتها
لا.لا....وهيدي اول المرّات................. بشوفها وبشوف طلّتها
ولا دقت مرّة اطيب الكاسات .........من خمرها ولا قطفت كرمتها
,لا.لا!!!ولا بدلتني بمصريات ............ وروح الطمّع بالمال باعتها
للعجوز المالك الثروات ..................ولا شفتها من قبل هالمرّة
ولا عرفتها ولا عرفت قصّتها


_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Elias Hadad

avatar

الجنس : ذكر
المشاركات : 176
العـمر : 31
الإقامة : سوريا
العـمل : الأستثمار الزراعي
المزاج : جيد
السٌّمعَة : 1
التسجيل : 26/07/2011

مُساهمةموضوع: رد: قصايد زجل    الأربعاء نوفمبر 09, 2011 10:59 am

من حماسيات الزغلول

أنا الورد اللي بوّستو بتمّو
الهوا ممنوع من بعدي يشمّو
وبكل مناسبة مثبّت وجودي
وإذا بيوقاع نصّي ما بلمّو
أنا روحي مع صحابي ودوده
النصر من هون لوّحلي بكمّو
وع خشبة منبري ان شكّيت عودي
عمالقة الزجل حدّي بيزمّو
القوافي رخاص وأفكاري فروده
البحر ببيوت قصداني بطمّو
اللي فكّر بالشعر يلوي زنودي
بعد بيّو ع امّو ما تعرّف
ولا تصوّر جنين ببطن إمّو
الرجوع الى أعلى الصفحة اذهب الى الأسفل
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8234
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: رد: قصايد زجل    الثلاثاء نوفمبر 22, 2011 4:31 pm

قصيدة "نسيتك"للشاعر الكبير "خليل روكز"

لا تعاتبيني ولا تقولي ليش
صرت إتكبّر ع ملقاكي
نسيتك وإنت بتعرفي قدّيش
تعذّبت حتّى قدرت إنساكي

نسيتك وصرتي بالصّدف عالبال
تمرّي ولكن أضعف من خيال
وهاك "الخليل" ل كان فيكي يجنّ
رجعو عيونو يعملو عقّال
وحتّى الحنين ل قلت ما بيكنّ
كنّ وشمت يشماتة العذال
وخيط ل على المغزال كان يحنّ
تختخ بعد ما تختخ المغزال

نسيت حبّك والليالي الحمر
وفكري نسي جغرافية جسمك
ومن بعد ما كنت رفيقة عمر
صرت إندهلك يا شو إسمك

نسيتك نسيت شرود عينيكي
ل كانو يمشّوني بعكس السّير
وعيني ما عادت تلتفت ليكي
صرتي خريف وخاليه من الخير
ومعذور هالقلب ل قسي عليكي
لما قشع تمّك ع تمّ الغير
لملم حنينو من حواليكي
وسكّر شبابيك القفص عالطير

نسيتك وقلبي من العذاب ارتاح
وبعيد عنّك شفيت جروحي
نسيت ل مضى ورجعت ربّي جناح
ودحرجت صخر الوهم عن روحي

ولو ما أنا تفلسفت بالنسيان
وهرّبت عينييّ من قبالك
كان ظلّ قلبي مطرح اللّي كان
عالشّوك يتشحشط ورا خيالك
نسيتك نسيت الفقر والحرمان
وحلفت إشرب خمر كرمالك
قتلت الهوى والكفر بالإيمان
وإنت بعد بدّو يجيكي يوم
بلومك ع حالك تقتلي حالك

نسيتك حسبنك ميّتي عا طول
وتا خبّرك شو في إلك تذكار
بتذكّرك كلما شفت فوتبول
بيكرج على ملعب ولاد زغار

بتذكّرك كلما سمعت كذّاب
قاعد يخبّر كيف بيصلّي
بتذكّرك كلما شفت دولاب
تدحرج على الوادي من التلّي
لا لا نسيتك بعد كلّ حساب
ل بيصحّ ما بيتذكّر العلّي
وهيدي القصيدة ختمت فيها كتاب
مثل ما إنت ختمتي العمر
بيلعبة "الفوتبول"و"الكلّي"


_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8234
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: قصيدة المراية موسى زغيب   السبت يناير 07, 2012 7:02 pm

قصيدة المراية موسى زغيب

وصْلِت بِبَدْلِه متل بَدْلة شهر أيلول
الْ مِن كَمّ ورقة عَلى الدّايِر مْعرّايِه
وْ تفْلَت زْرار الصَّدر من عِرْوة المَرْيُول
وْ كل زرّ يِحكي إلي عن تَلْجها حْكايِه
وْ يِنْزاح خَيْط الرّْجَا وْ يِلْمع دَهَب مَشْغول
وْ يِزرَع بِعَيْني العَطَش نَظرة بْألف غايِه
وْ تِصْرَخ طْيُور التَّلِج من خَوْفْهَا وِ تْقول
دَخْلَك اتركْني بريئة متل ما جايِي
وْ إتْكي بْكِذب النَّعَس عَ ورْدها المَخْجُول
إحْلَم بِشَمِّه من الورْده ... المنْدَّايــِه
وْ ما تْقول كَنُّو الطَّلب مَرْفوض أو مَقْبول
تَ يْذِلّ نَفْسُو الطَّلَب .. وْ يْصِير تِرجايِه
قالِت : بْتِسْكر ؟ قلت : لَيل الدِّني المجهول
ما كان عَتَّق جْرار الخمر لَوْلايِي
قالِت : بْتِعْشَق ؟ قِلت : جنِّيّتي عَ طُوُل
وَين ما بْتِدْعس كأنُّو رنّ دِهْبايِه
قالِت : اعطيني شي صورة لَجَفنْها المَكْحول
تَ شُوف وجه الحبِيبِه مْشرَّك كْفَايِه
اتْطَلَّعت فِيها .. بِنظرة عاشِق وْ مَقتول
وْ خَبَّيت كلّ الصُّوَر و اعطَيتْها مرايِــــه

_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
 
قصايد زجل
الرجوع الى أعلى الصفحة 
صفحة 4 من اصل 5انتقل الى الصفحة : الصفحة السابقة  1, 2, 3, 4, 5  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
 :: 000{ القسم الأدبي والشعري }000 :: أصدقاء شعر الزجل والكلام المحكي-
انتقل الى: