الرئيسيةالبوابةبحـثأرسل مقالس .و .جالتسجيلدخول
شاطر | 
 

 قصايد زجل

اذهب الى الأسفل 
انتقل الى الصفحة : الصفحة السابقة  1, 2, 3, 4, 5  الصفحة التالية
كاتب الموضوعرسالة
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8238
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: زجل لبناني - طليع حمدان فيكتور ميرزا القسم الثاني    الأحد أكتوبر 10, 2010 10:58 pm

زجل لبناني - طليع حمدان فيكتور ميرزا



......................

_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
أبو فادي

avatar

الجنس : ذكر
المشاركات : 273
العـمر : 32
الإقامة : سوريا
العـمل : !!!
المزاج : جيد
السٌّمعَة : 12
التسجيل : 08/01/2010

مُساهمةموضوع: رد: قصايد زجل    الأربعاء أكتوبر 13, 2010 11:02 am

مشكور قصيدة طليع حمدان سمعتها ..يعطيك العافية ..بس طليع حمدان وفيكتور ميرزا مو طالع عندي فيديو ....
تحياتي
الرجوع الى أعلى الصفحة اذهب الى الأسفل
أبو فادي

avatar

الجنس : ذكر
المشاركات : 273
العـمر : 32
الإقامة : سوريا
العـمل : !!!
المزاج : جيد
السٌّمعَة : 12
التسجيل : 08/01/2010

مُساهمةموضوع: رد: قصايد زجل    الإثنين نوفمبر 01, 2010 4:42 pm

زين شعيب – أبو علي
شحاد
............
يا مين ع شحاد يهديني
منشان سرّ الكار يعطيني
لا مال بدّي ولا برزق طمعان
ولا مقصدي ضيعة ولا مديني
بدّي عصا من قرمة العميان
اتعكّز عليها بتكفيني
وادّروش وأبرم على الجيران
وع كل عتبه ينحني جبيني
شحاد بشحد عاطفة وتحنان
من اللي جرح قلبي وناسيني
وبتنهنه بغصّة طفل عطشان
قلبي احترق يا ميمتي اسقيني
شحاد بشحد كحلة الغزلان
من عيونك اللي فيهن قتلتيني
وبشحد لك الغفوي من النعسان
حتى تنامي يا تقبريني
وبطلع على بشري حمى جبران
بقلّو ع سلمى دخلك هديني
بحبش ونبّش بهالجدران
ع شي عبارة حبّ ترضيني
وبرجع وبستنّى شهر نيسان
وبقول بكرا الخير جاييني
بشحدلك من الورد والريحان
ووين ما دعستي تقشعي زيني
وبكتب من الإنجيل والقرآن
حجابات فيها دينك وديني
بلكي بتجي وبتطردي الشيطان
واللي حضى يعقوب يحضيني
قبلي وبعدي ما انظلم انسان
ع قدّ ما بحبّك ظلمتيني
لو كان قلبك من صخر صوّان
حلّو يلين الصخو وتليني
وراضي لا والله مش زعلان
وأعوام بقبل لو حكمتيني
ع شرط إنت تفصّلي الأكفان
وإبقي ع قبري بالسنة مره
حسنه لوج الله زوريني
.............

الرجوع الى أعلى الصفحة اذهب الى الأسفل
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8238
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: رد: قصايد زجل    الأربعاء نوفمبر 03, 2010 5:15 pm


أبو فادي لك كل الشكر عن موضوع الزجل ..ودعني أضيف
أنه في الزجل اللبناني هناك تسميات مثل المحبوك ...والمطبع والمرصود ..إلخ


المحبوك :
اشتدّ احتدّ الجدّ امتدّ
نفود الجود وجود شهود
لحدّ الغدّ بعدّ بردّ
بقود جنود فهود أسود
بمدّ اليدّ بصدّ الصدّ
برود حدود صرود جرود
بكدّ بجدّ بهدّ بقدّ
أسود قرود السود الغال
الهيّاج:
أصول بقول* شهور ودهور
نهور وبحور بجول وبصول
بجول وبصول بحور ونهور
دهور وشهور بقول أصول
شتول* القول زهور وعطور
زور ونظور فصول وفصول
فصول وفصول وزور ونظور
زهور وعطور القول اشتول
المطبّق:
طبق حروف وهزّ صفاح
وفنّ وقول وجوق يرجّ
طرق دفوف وعزّ وراح
ورنّ طبول وبوق يضجّ
خرق صفوف وعز سلاح
وسنّ نصول ونوق تعجّ
برق سيوف ودر رماح
وعنّ خيول بسوق مجال
المرصود :
وحقّ المصلوب فوق العود
ومسمار الفي روحو راح
جبلت الفن بروح العود
وصيتي شاع لقلبي راح
بدعت البسط ودقّ العود
صنّعت من المعنى راح
رفعت النمر بسن العود
وضعت بساق السبع شكال
...

وهذا مقطع زجل نادر وقديم



_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
أبو فادي

avatar

الجنس : ذكر
المشاركات : 273
العـمر : 32
الإقامة : سوريا
العـمل : !!!
المزاج : جيد
السٌّمعَة : 12
التسجيل : 08/01/2010

مُساهمةموضوع: رد: قصايد زجل    السبت نوفمبر 06, 2010 3:39 pm

مشكور جدا ..والزجل بحر كثير واسع ..
وهناك القرادي القلاّب وهذا مقطع
ضيعتنا كواكب من نور
وتلال بتشرف عاتلال
وعصفورة تغازل عصفور
وشلال يغازل شلال

رموش الغيد بتحني اسود
بتلوي زنود بيوم العيد
يوم العيد بتلوي زنود
بتحني اسود رموش الغيد
بعرس وقوالين وعود
وفينا وعود بلا مواعيد
بلا مواعيد وفينا وعود
بقوّال وعودين وعرس
وعود وعرسين وقوّال
...............
الرجوع الى أعلى الصفحة اذهب الى الأسفل
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8238
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: رد: قصايد زجل    السبت نوفمبر 06, 2010 9:47 pm


موسى زغيب قصيدة شروقي


.......................

_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
أبو فادي

avatar

الجنس : ذكر
المشاركات : 273
العـمر : 32
الإقامة : سوريا
العـمل : !!!
المزاج : جيد
السٌّمعَة : 12
التسجيل : 08/01/2010

مُساهمةموضوع: رد: قصايد زجل    الأحد نوفمبر 07, 2010 9:42 am

من قصائد يوسف روحانا- ياليتنا عصافير

...............
ليكــي هالعصــافير.. كيــف عــم يلعبــوا
وكلّ النــهار علــى الركض مــا بيتعبــوا

لا حـــامليـن.. براســن همـــوم الدنــي
ولا كيــف بدهــن ياكلــوا ولا يشــربــوا

لا معمرين بيــوت، وعـــلالــي وحِجَـــر
ولا بيــعرفــوا بزمـانهن اســـم الضـــجر

بالقِش مبســوطين عـا غصــون الشــجر
وليــش حتــى يشـــقعوا و يتعــذبـــوا

الله عطـاهن ريش وحبــوب وحشــــيش
والأرض لقمه.. لــكل واحــد تا يعيـــش

ومن بين المزاريب وغصـون العريــش
بيعَشعشوا، ومـــع بـعضُـــن بيتقرّبـــــوا

نيّالهــن عم يضــحكوا طـــول الحـيــــاة
مــابـدهن يصـيـــروا ســـــياد ولا ذوات

مش متلنــا خـــوتـان.. منـحب الخــوات
بدنــــا الدنـــي.. والبــحر بـدنــا ننـهبــو

منـضــل نــركــض والـعـمــر قـدامـنــــا
عــم يضــحك، ويطــوي معــو إيـامنــا
وعالركـض عم تمـحي السـنين اقـْــدَامنا

يا ليتـــنا عصـــافيـر عا سطوح البيوت
ولا بالبيــوت خوتــان عــم يتضبضبــوا
الرجوع الى أعلى الصفحة اذهب الى الأسفل
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8238
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: رد: قصايد زجل    السبت نوفمبر 13, 2010 6:58 pm

عن كتاب " طرائف الشعراء في مجالس الأدباء "
الكاتب نجيب البعيني
ما يفيد أن طه حسين والذي كان وزيرا للتعليم في مصر في القرن الماضي ،
قد سمع وأعجب بفطرة شعراء
العامية في بلادالشام ولبنان حيث يطلقون ازجالهم ومساجلاتهم الشعرية
دون تحضير ودون معرفة سابقة بموضوع المطارحات .
فرغب في حضور بعضها والاستماع لشيء منها .
وأثناء احدى زياراته للبنان كانت الفرصة ملائمة لحضور احدى حفلات" شحرور الوادي" التي
كانت تعقد في بيروت ، وقد اعتاد اهل بيروت على حضورها والاستمتاع بها .
وعندما دخل عميدالأدب العربي القاعة التي لا يراها الا
ببصيرته وتصوره لأنه كفيف ، كان مظهره بطربوشه الأحمر الطويل ونظارته السميكة السوداء
والتي اصبحت العلامة الفارقة للأديب المصري طه حسين ، موضوعا شيقا للزجالين ،
لكنهم فطرتهم وحذقهم وكياستهم اختاروا الموضوع
الأكثر قبولا واثارة للزائر الكريم وللجمهور .
وانتبه احد الحاضرين الى دخول الوزير مع مرافقيه وجلوسه في زاوية من القاعة ،
فنادى مرحبا بأعلى صوته قائلا:

" اهلا وسهلا بطه حسين "
سمع ذلك شحرور الوادي وهو رئيس فرقة الزجالين التي كانت حاضرة ،
فأمسك بالمبادرة الزجلية وأنشد قائلا :

أهلا وسهلا بطه حسين
ربي أعطاني عينين
العين الواحدة بتكفيني
خد لك عين وخلي عين


ضجت القاعة بالاستحسا ن والتصفيق وانطلق الجمع من الحاضرين يرددون في نغمة واحة " خد لك عين وخلي عين ".
لم يتوقع طه حسين ذلك فتأثر جدا بالحفاوة وصفق بحرارة
وفي تلك الأثناء تنحنح الشاعر الثاني في الفرقة ، علي الحاج،
ليفسحوا له مجال القول ، فانطلق منشدا :


أهلا وسهلا بطه حسين
بيلزم لك عينين اتنين
تكرّم شحرور الوادي
منه عين ومني عين


احس عميد الأدب بأنه قد انتشى من الطرب فهز رأسه استحسانا وابتسم
فما كان من شاعر الفرقة الثالث ، أنيس روحانا ، ان أطلق عقيرته منشدا " :
لا تقبل يا طه حسين
من كل واحد تاخذ عين
بقدم لك جوز عيوني
هدية لا قرضة ولا دين

فانتهت الردية الزجلية لآخر الشعراء وهو الرابع في الفرقة ، طانيوس عبده ،
مستدركا ومصححا لزملائه وناصحا اياهم :
ما يلزملو طه حسين
عين ولا أكثر من عين
الله اختصّه بعين العقل
بيقشع* فيها عالميلين

ويقال انها كانت سهرة من العمر كما وصفها عميد الأدب العربي آنذاك
فلها اٍلى النُّعمى سبيل غواية ِ.......... هلاّ اغتنمت فذقتها يا صاح
...................

_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8238
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: رد: قصايد زجل    السبت نوفمبر 13, 2010 7:16 pm


وأنواع أخرى من الزجل مع بعض الأمثلة
الكناري (يعتمد على "الجناس غير التام" في كل بيت من الأبيات الأربعة) :
بْجهر وسرّ القلب بسرّ
وبرفع سرّ شريك الروح
شهاد وقرّ وطيب وقرّ
وخوذ (خذ) مقرّ قرار الروح
هات مصرّ وعبّي وصرّ
فتحنا الصرّ حمال (إحمل) وروح
مثل الدرّ ان حنّ ودرّ
برصّع درّ على المغزال

كرج الحجل (يعتمد على القافيتين مع "التجنيس" في البيتين الأولين):
بعدك شبّ ومهرك شبّ
انمى وشبّ ونارك شبّ
رماح الخطّ لبحري خطّ
وصال عالشطّ واسمك حطّ

شراب وغبّ وملّي وصبّ
بعون الربّ المعنى انصبّ
قرايه (قراءة) وخط دهان وغطّ
سباحة بطّ وكرْج حْجال

مهمل (دون تنقيط):
حمام الرسل علامك
حامل ولدارك واصل
ودم الإعدا عاحسامك
سال وعارمحك ماصل
سعدك حاصل أمامك
وأمامك سعدك حاصل
مرادك كامل عامرامك
ردّه عا حلا مُهْمَل

معجم (جميع الحروف منقطة):
خشّيت في بيتي خشيت
غبت غفيت بظني فقت

شبّيت فتّشت تقضّيت
غنيت فزت بفني فقت

جفني شقّيت تنبّيت
فضّيت زيتي بنّي ذقت
غزّيت في بختي تغذّيت
جيت في تختي خزنة مال

كلمة مهملة وكلمة معجمة:
مر بغنج الحر غشيت
والله جنّيت لما شفت
طل تزين مال خشيت
حل بجفني كحلو وخفت
صار خزانة مال بشيت
وعامل قبضة رمحو جفت
علو ينجز وعدو بقيت
علّل شغفي ومعطّل

حرف مهمل وحرف معجم:
فاض من عندي رق وذوق
لا زلت مقر بحبك
خلّي طفح قلبي شوق
حقك شاغلنا بحبك
خليلي من لبك ذوق
قم قابلنا خاف ربك
يا غافل شوف صبّك فوق
عن حقوقك شو ناضل

عاطل العاطل:
حد وحصّل رود وصول
وحدّد طول وصوّر حدّ
صوّر حدّ وحدد طول
وحطّ حدود ودور وردّ
لوط رصرص صدرو للهول
وحلّ رصودو ولصّو صدّ
وحرّر روحو وحل لطول
وصحّلو دهرو وحوّل


-----------

_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Ginwa
صديقة فيروزية نشيطة
صديقة فيروزية نشيطة
avatar

الجنس : انثى
المشاركات : 1198
العـمر : 48
الإقامة : لبنان
العـمل : عمل مكتبي
المزاج : ماشي الحال
السٌّمعَة : 4
التسجيل : 06/04/2007

مُساهمةموضوع: رد: قصايد زجل    الأحد نوفمبر 21, 2010 9:36 am

من نوادر الشاعر الزجلي شحرور الوادي

حاول الشاعر شحرور الوادي في ليلة أنس التقرب من السيدات والتودد إليهن لكنهم ظلوا بعدين عنه فقال :

لـمَّن كنـــا بالعشرين .... كان في عندنا قلب يحس
ولمن صرنا بالستين .... صرنــا كترة حكي وبس

ومن نوادر شاعر الزجل شحرور الوادي أنه شاهد شخص أصلع فارتجل قائلاً :

ناتعلي قرعة نص دراع .... لا بـتـنشرا ولا بـتـنـبـاع
لا من برا فيهــــا شعـــر .... ولا من جوا فيها نخاع

رأى ذات يوم حسناء تحمل شمسية سائرة في شهر آب والشمس محرقة فأنشد :

لو لمسـتـني بإيدا لمس .... بتحيي عضامي جوا الرمس
الله يعين الشمـســــية .... فوقا شمس وتحتــــــا شمس


ورأى شابة تشرب فنجان قهوة فارتجل :

هالفنجان القهوة السكران ... عشقانــــك يا نـيـالو
بين شفافك والفنجـــــــان ... السكر عم ياكل حالو

............
الرجوع الى أعلى الصفحة اذهب الى الأسفل
أبو فادي

avatar

الجنس : ذكر
المشاركات : 273
العـمر : 32
الإقامة : سوريا
العـمل : !!!
المزاج : جيد
السٌّمعَة : 12
التسجيل : 08/01/2010

مُساهمةموضوع: رد: قصايد زجل    الثلاثاء نوفمبر 23, 2010 2:10 pm

شعرك الـ كان يلفني وينام - للشاعر خليل روكوز

شعرك الـْ كان يلفّني ويْنـامْ
لفِّة عْيون الطفل بالأحلامْ
ومِنُّو لحالو كان يتْخَصَّل
خِصْلِة إلي مْخدِّة وْخِصْلِة حْـرامْ

وأغفى وْشعرِكْ يِسْهر عْليِّي
وبْغفوتي يْسَبِّل عَ عينيِّي
وأوعى ولفُّو بين إيديِّي
متل الملاك بْتخْت ريش نْعامْ

ولمَّا كنِتْ إصْحى مْن الوهْلِة
وجدّلِك بالعتِم عَ مهْلي
تـَ جْدايْلك تِضْحك وْتِندهْلي
وتْقول: خلِّصْني من الإعدام

بْيِظْهر عِرِف شَعرِك رَحِ تْقِصِّيه
وْراح يندهْلي تـَ إشْفع فيه
وْما في إلو غيري ..
أنا مربِّيه !
وبيني وبينو فَرَّقو الأيامْ

وإنتي ضميرِكْ بالعمى موصوفْ
ومتلِك الحلاق ما بيشوفْ
وصار شَعرك
متل شي خاروفْ
عم يحتمي بالدِّيب من لحَّامْ

وإنتْ يـا حِـلاق
بِدْعي عْليكْ: أللهْ يِنْقل هـمّ قلبي لَيْكْ
أصعب مَ تِعمى
وييْبسوا إيْدَيكْ
ويصير عمرَكْ مدرَسِةْ أوهامْ

كيفْ لكْ قلبْ
تِقْطَع أمل عمري ؟
وانْتي ..
يا إمّ الأملس الخمري
فْطمْتي طفل
رابي على غمْري
تـَ تْعيّشيه عَ سِفْرِة الأيتام !

كيف تـَ الِمْقصّ لْفَوقْ شَعرك مَرّ
طاوَع إبِنْ آدم
عَ فِعْل الشَّرّ
وْيا هل تُرى
مَطْرَحْ ما شَعرك هَرّ
ما انْفَلْشِت حْكايِة مْنِ الآلام ؟؟

هايْدي حْكايِة مِنِ دْموعي البكِرْ
الـْ بِقْيو مِنِ عْيوني
بِشَعرِك ذِكِرْ
وْهاوْدي نِقَطْ مِن شَمْع قِدْسِ الفكِرْ
هودي..
ألف قاموس إستفهامْ

بَعْدو معي مَنْديلِك الأصلي
بْكَرّمُو
وبْعاملو بْأَصلي
وتـَ يْضلّ يبْكيلِك، ويِرْقِصْلي
مِن شِعرك الـْ بيحِنّ عَ وَصْلِة
إنْ كــان عنْدِك بعْد شي خِصْلة
ابْعتيها اليَوم
ذكر للمنديل ..
حتّى يْشَبِّع جَوْعْتو وِيْنـــامْ.
الرجوع الى أعلى الصفحة اذهب الى الأسفل
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8238
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: رد: قصايد زجل    السبت نوفمبر 27, 2010 12:17 am


موضوع الرقم 5 والرقم 7

أسعد
عمر المسيح اللي سنينو مش كتار ...........كانوا مواسم خير وبيادر غمار
ولو بين ميلاد وصعود البحث دار ...........عمر المسيح وجوهرو بذات العيار
وحقك من الأسبوع يا خمسي تغار ...........ولو ما ألو عنك زيادة واعتبار
مـن بعد ســت إيام تكوين الدني ...........ما كان الله توجو بسابع نهار

موسى
...........
الله سبع إيام ساعة ما افتكر........... يخلق دني وبحر وفضا وشمس وقمر
من الطين كون ادم ولما ظهر ........... شافو صنم لا علم عندو ولا خبر
تا رقم خمسة يضل مفضل عالبشر ...........عطيو سمع حس وذوق* شم نظر
ولو ما الحواس الخمس للجد انعطو ...........كان ضل جامد متل تمثال الحجر

أسعد
لحواسك الخمس العلمهن ماانطوى ...........براسك سبع فتحات شكل ومحتوى
لسانك بفتحة تم عالذوق احتوى ...........ومن فتحتين الأنف بتشم الهوى
وبالدينتين بتسمع الصوت الدوى ...........وبالعينتين بتسمع النور الضوى
وهالسبع فتحات البنولك مستوى ...........لولا وجودن فيك ما منك نوى
وما تقدم الإنسان عمرور الزمان ...........لو ما ورث من ادم السبعة سوى

موسى
براسك سبع فتحات شو هالمفخرة ...........سبعة براس الديب خلقو وافترى
بس الخمس صابيع إيد مغيرة ...........ما بتنعطى غير للبيحمل تذكرة
الجنة عطوها حروف خمسة منورة ...........خمسة المرا الرجال خمسة بمقدرة
ولما انعطا الشيطان سبعة من الحروف ...........دب المشاكل بين رجال ومرا

أسعد
ابليس,,شيطان بخمس احرف منين ...........تا تسبعو جبت الألف واللام دين
ومن خمس صابيعك في ضدك شاهدين ...........التنتين سبعة التلاتة سبعتين
رقمي ياموسى بيبلعك عالحالتين ...........بالجمع بعد تحت مني بدرجتين
وقت البتطرح خمستك من سبعتي ...........بيطير موسى وأسعد بيرجع تنين

موسى
برفع الأصابع والإيادي مفلسي ...........ذكرتني بسبعات شجرة يابسي
المحبس أخد من خمستي الشكب وقسي...........وحلوي الأصابع بس تلبس محبسي
والعقد خمسي وفيه ليرة مخمسي...........ولولا شرف أسرار خمسي مقدسي
بحيث الوصايا العشر أصلن خمستين .........ما بحاكمك غير بالوصية الخامس

_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
أبو فادي

avatar

الجنس : ذكر
المشاركات : 273
العـمر : 32
الإقامة : سوريا
العـمل : !!!
المزاج : جيد
السٌّمعَة : 12
التسجيل : 08/01/2010

مُساهمةموضوع: رد: قصايد زجل    الثلاثاء نوفمبر 30, 2010 10:58 am

بتعرفوا اللبنانية سابقا كان كان عندهم أهتما كبير بسباقات الخيل والمراهنات
الشاعر الشعبي عمر الزعني (1898 – 1961م) كتب هالقصيدة

سباق الخيل

ليل ونهار ونهار وليل
ما في غير حديث الخيل
في القهوة أو في الشارع
بالكنيسة والجامع
الخواجة والصانع
والمشتري والبايع
والعاصي بعزا الطايع
مهموكين بسباق الخيل
وانبسطوا وافرحوا وتنهوا
يا صحاب الخيل
رب البيت خانه بخته
من طفره طلق مرته
استغنى عن ابنه وبنته
والاخ باع صيغة أخته
والولد سرق ستو
والعيلة صفت بالويل
وانبسطوا وافرحوا وتهنوا
يا صحاب الخيل
الفران باع أخشابه
والكارسون رهن ثيابه
والسمان صفى حسابه
والتلميذ باع كتابه
ضيع زهرة شبابه
وتعلق باذناب الخيل
وانبسطوا…الخ
بنت البيت يا مصيبتها
خسرت حتى ابرتها
رهنت كل صيغتها
عادت باعت مكنتها
حتى لحافها وفرشتها
وتغطت بستار الليل
وانبسطوا وافرحوا وتهنوا
يا صحاب الخيل
اللي فلس وانكسر
واللي تسمم وانتحر
واللي جن واللي كفر
والباقي تحت الخطر
والطفر عامي البصر
عم البلا وطفح الكيل
وانبسطوا وافرحوا وتهنوا
يا صحاب الخيل
القلوب مليانه
والجيوب فرغانه
والنسوان حيرانه
والاطفال جيعانه
والحكومة رضيانه
تموت الناس وتحيا الخيل
وانبسطوا وافرحوا وتهنوا
يا صحاب الخيل
..........
الرجوع الى أعلى الصفحة اذهب الى الأسفل
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8238
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: رد: قصايد زجل    الثلاثاء نوفمبر 30, 2010 8:56 pm



مشكور أبو فادي إذا عندك شى للزجال حنا موسى بكون لك من الشاكرين
.........................
للشاعر توفيق باسيل
صور عن الضيعا


هالخربة السمرا اللي خلف الشير
بشم منها ريحة جدودي
حيطانها لوحات وتصاوير
وبتفكّرا ع الهجر مرصودي


ناطورها صخرا ع كتف الدرب
والنمل فاتح حدّها طاحون
بقلبها رهبة سنين الحرب
ووشوشي، داير مدارا سكون

والقبو بيطل منّو الليل
عند الفراشي كل اسرارو
من بعد ما كان مربط خيل
صار معبد صمت لحجارو

والقنطرا البلحيط محفورا
ع خصرها بتشوف كعب سراج
ملبسا الغزيّل تنّورا
بخيطها ريحة خبز الكماج


وبالزاويي، مقفقف ع حالو القن
حردب، وناطر تايصيح الديك
طاقتو ع الكعكرا بتحن
متل الكأنو محسّر يحاكيك


والمرّبع، صاير حكايي
قدما باسر وشوشتو
ظنيّت في بالحيط مخبايي
بنضوة فرس، ع السكت نكوشتو


والسطيحا، الشوك آكلها
وطاير المقعد زاويي منو
عشوارها الختير. وشي حاملها
طيور الشتي، المنقار بسنّو

والمحدلي بالبير مشلوحا
من شيطنة ايام كنا زغار
وخرزتو من الحبل مجروحا
عا كبر ما عبّا بزمانو جرار

وجرن الجرار الكان بالحارا
حطيت كتفي فيه وشقلبتو
صمدتو جنب بوابة الحارا
وكان يابس من الشوب، شرّبتو


وتوتة الشمي البآخر جل
العصفور لولاها هفي من الجوع
بس يخلص موسما بيفلّ
غ التينة السودا اللي دربا طلوع


والنجاصا المن عمر جدي
بترابها، عن وهرتو، حكايي
كاسر ع كعبا زند المهدّي
ع العز ت تطلع مربّايي


والسندياني مصيف السمنات
وياما العواصف كسّرو منها
بالدهب ما تلّونو العنبات
لو ما شعاع الشمس ساكنها


وبعدا لصوب الشرق علّيقا
بتضل تاكل من حدود الدرب
وسفرجلي وتوتي ودبيقا
بتطل ع شباكنا من الغرب

**************

_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
أبو فادي

avatar

الجنس : ذكر
المشاركات : 273
العـمر : 32
الإقامة : سوريا
العـمل : !!!
المزاج : جيد
السٌّمعَة : 12
التسجيل : 08/01/2010

مُساهمةموضوع: رد: قصايد زجل    الأربعاء ديسمبر 15, 2010 5:57 pm

أنقل لكم هذه القصيدة لجريس البستاني إنشالله تنال اعجابكم
...............
لا يا حبيبي .. تعا ت نبتدي المشوار
اللي كان عنّو.. زمان الزغر لاهيني
بلّش نضوج الحياة ..... يلوّح الأثمار
وبلّش ربيع الهوى .... يغل ببساتيني
وبلّش صباي ... بجمالو يلفت الأنظار
وبلّش وجود الكحل.... بالعين يعنيني
وعازرار صدري اللبس بلّش يشد زرار
وبلّش ع جسمي .. الجمر يحرق فساتيني
وعمري ع دالي الوعد عنقود طيب صار
وموسم نضوج الحلا ..... فجّر شراييني
اقطفني .. وفيّ انزوي بشي زاوية خمّار
وحبّه.... وحبّة.. بايدك عصّر سنيني
ومن بعد ما تنتهي التعصير خلّي عيار
حبّك .. بكركي .. صنعها الشوق يغليني
لكن ...كرامة لهيبي ..الما بيحمل نار
لا تزيد فيّ الغلي .....غلوه بتكفيني
ولمّن بصفّي دمع .... من كركة الأسرار
احن .. وبكف العطش.. جرّب استلقيني
ومرمغ شفافك ع روحي الدايبه واسكار
وسكار .. تا تنطفي ..والشوق يطفيني
وان حب يسأل حدا .. من بعد هالمشوار
بقلّن بلهفه ... فقير .. استملك مديني
مش هم .. اصبح خمر .. وتغبّني الأقدار
البيهم .. ما انحبس ... جوّات قنيني

الرجوع الى أعلى الصفحة اذهب الى الأسفل
 
قصايد زجل
الرجوع الى أعلى الصفحة 
صفحة 3 من اصل 5انتقل الى الصفحة : الصفحة السابقة  1, 2, 3, 4, 5  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
 :: 000{ القسم الأدبي والشعري }000 :: أصدقاء شعر الزجل والكلام المحكي-
انتقل الى: