الرئيسيةبحـثأرسل مقالس .و .جالتسجيلدخول
قصايد زجل 555
شاطر | 
 

 قصايد زجل

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5  الصفحة التالية
كاتب الموضوعرسالة
أبو فادي



الجنس: ذكر
المشاركات : 272
العـمر: 28
الإقامة: سوريا
العـمل: !!!
المزاج : جيد
السٌّمعَة: 12
التسجيل: 08/01/2010

مُساهمةموضوع: رد: قصايد زجل    الأربعاء سبتمبر 01, 2010 9:59 pm

هديّة: قصيدة للشاعر المرحوم خليل روكز

ياريت عندي وآآآآآآآآخ لوفيي
عا قـد حبـي جبلـك هديـة

كنت بهديكي شـذا الـوردات
وأسـرار أحلام الطفوليـة

وكنت بتعمشق على النجمـات
بسحّب شلـل خيطـان فضيـة

وبكلف ملايك ... وحوريـات
تحَيّكِْلْـك بـلـوزة ألوهـيـة

***
وبالبحر .. كنت بغافل السمكات
وبغطس متل فكـر الحراميـة

وبقطف زبد من رغوة الموجات
ومن جدايـل شمـس مرخيـة

بكمش وهج وبحولو بوسات
بلـون أشواقـي المـورديـة

ومن هون ببعتها من النسمات
الهونيك لعيونك خصوصية

***
والطفل كنت بقشطو البسمات
وبغرف من عيونو صفا نية

وعرس الربيع بشلّحو الغنجات
وكلشي معو لهفـات عطريـة

وبكلخ من جفون السحر دمعات
كلها غيرة وحنية

وبلفها بعيون خمريات
وبروح حافي بسلّمك هيي

***
ومن كل طير بنتف الريشات
وبفلش طريقك ريش حرية

وعا المروج بسابق النحلات
بجبلك ضمير زهور بكرية

وبطير مع أحلام وخيالات
عا بلاد مدري وين مبنية

وبجدلّك من سوالف الغيمـات
مرجوحتـك ع كتـاف جنيـة

***
وبغزلك من شراشف الهمسات
وحرام مـن قلـب النعوميـة

وجّوْدَلْة من السحر ومخـدات
مـن شعر آلهـة الفينيقـيـة

***
وبرش عا عيونك هنا الغفوات
المحروم منها حظ عينيي

وخلي الحلم يحكيلك حكايات
عن حالك الحالك غراميي

***
هيهات لو عندي فعل هيهـات
عا قد مـا عنـدي أنـا نيـة

بحولك إنتي أنـا بالـذات
وبلبّسـك روحـي الطبيعيـة

لكـن إذا فشلـو التمنـيّـات
وعمـري استسلـم للعبوديـة

بترك إلك مني تـلات كلمـات
محبتي ... والآخ ... والنهدات
--- من القلب هل بيحبِّكْ هدية ---
الرجوع الى أعلى الصفحة اذهب الى الأسفل
أبو فادي



الجنس: ذكر
المشاركات : 272
العـمر: 28
الإقامة: سوريا
العـمل: !!!
المزاج : جيد
السٌّمعَة: 12
التسجيل: 08/01/2010

مُساهمةموضوع: رد: قصايد زجل    الأحد سبتمبر 05, 2010 12:58 pm

هذه القصيدة للشاعر المرحوم ملحم عواد من بلدة جبيل في لبنان
يقدم فيها صورة رائعة عن الفلاح
----------------------

الفلاح بالقرية الجميلة النائية --- مأمن حياتو من الفقر بالاجتهاد
وبعيد عن جو المدينة الراقية --- والفلسفة عندو بتحضير الوهاد

بكير لما الفجر يضحك للجمال--- بيضحك معو وعالمزرعة يشد الرحيل
معلق عا حبة من القمح امال --- وعاغيث الله ومجد هالباع الطويل
ومحراث فيلو تلم عا كتاف الرمال --- عامل خطوط معروجة عا طول ميل
ومعول سلخ قطعة غنية من الجبال --- وشكل جنينة هون تفاح ونخيل

ولما اجا فصل الخريف بهمتو--- بسرعة اكفهر الجو صار يشلح غيوم
وزع لحقلو بذار يوحي لامتو --- انو العمل بالحقل كلية علوم
الحبة امانة معلقة في ذمتو --- قام ودفنها بقلب من طبعو رحوم
وعاشوار عالي بعند علق عمتو --- وكل عليها الدفئ سيهرلا النجوم

الحقل ابتهج واستقبل الحبة بحنان --- الباري رسلا الماء للشاكي سميع
وعاشت بجو البحبحة والاطمنان--- وقدملها زهور الحلا فصل الربيع
وكبرت بظل محبتو ووفر الامان --- ولما رحل عن جذعها موج الصقيع
رميت سنابل منحنية للزمان --- تا تعلم الانسان مقدار الوضيع

منجل حصيدو سنها وحد الشفار--- وبلش بزرعو متل مقصلة العبيد
يحصد يغنيى بيوت منظومة شعار --- وخلفو صبايا تزق شملات الحصيد
ولما درس عا بيدرو هاك النهار --- وعبى غلالو في صناديق الحديد
علق عا هامة زوجتو اكليل غار --- وقللا استرحنا من التعب هاليوم عيد

وما مر بعد العيد اسبوع بهنا --- حتى غدي عالمطحنة الحر الشريف
شلال وادي مطحنة جوقة غنا --- وبراك ما يحاكيك الا بالزقيف
بكور العتيق الناخرو سوس الفنا--- خبى العديلة وانتظر تحت السقيف
طحنة طحنها وعاد للزوجة هنا --- وقللا اخبزي تا ندوق موسمنا الجديد
بربك يا حرمة كتير كلفنا الرغيف

---
الرجوع الى أعلى الصفحة اذهب الى الأسفل
أبو فادي



الجنس: ذكر
المشاركات : 272
العـمر: 28
الإقامة: سوريا
العـمل: !!!
المزاج : جيد
السٌّمعَة: 12
التسجيل: 08/01/2010

مُساهمةموضوع: رد: قصايد زجل    السبت سبتمبر 11, 2010 9:01 am

قصيدة شروقي لخليل روكز
--------------
يلِّي هديتك قلب حـب ووفـا مليان
وغنيت فيكـي بِكر شـعر والهـامي
ياما وياما نظمت بمحاسنك قصدان
وما كان وادي الوفا يردد صدى هيامي
ضيَّعت عمري كرامة حسنك الفتان
يا غبن عمري وعا شو ضيعت أيامي
لا قيس متلي ولا ابن العُنَيْسِي كان
ولا كان حرّ الجمر لولا مـن غرامـي
يعقوب تاني صرت بالنوح والاحزان
وأضعاف زادت على ابـواب آلامـي
ومع كل هيدا بعذابي قابـل وقنعـان
وبقــول بلكـي خطر لك طيـف قدامي
رفرف جناحو الفنا وطيفك بعد ما بـان
ويا عين حاجي سـهر عيفي البكي ونامي
الجـو لَوْ في نَقا كان غيَّـر العـدان
وكشَّـح عيون الشـقا من جو أوهامـي
يا وعـد مات الأمـل بالعاشق الولهان
ونفّذ مرامو الجفـا بقتلـي واعدامــي
وما زال قلبك شَلَحْني بعالم النسـيان
خايـف يشـيب الصـبا وتموت أحلامـي
-------------
الرجوع الى أعلى الصفحة اذهب الى الأسفل
جورج
صديق فيروزي نشيط
صديق فيروزي نشيط


الجنس: ذكر
المشاركات : 168
العـمر: 39
الإقامة: UK
العـمل: not bad
المزاج : good
السٌّمعَة: 2
التسجيل: 04/05/2007

مُساهمةموضوع: رد: قصايد زجل    السبت سبتمبر 11, 2010 9:06 pm

مرحبا شباب وصبايا
هي أول قصيدة مني للشاعر موسى زغيب
وبتمنى ينال اعجابكم
------------------
مرة سحرني الهوى بقلب القفص عصفور
وهديوا لابوكي وما كان القصد كرمالو
كرمال عينك إذا بدك أغاني طيور
يسهر يغني لك وتغفي ع موالو
وبالليل جبتي القفص ع غرفتك والنور
تسلل من فتحة الفستان ضوالو
ما كان عندك عِلم تتستري المحظور
العصفور هذا انا ورَح ينشغل بالو
صرتي تفكي العراوي و العجين يفور
والضو يعكس وهج وكنوزك يلالو
يمرق خيالك سحر ع العاشق المسحور
ويجن فيه العشق ويقاتل خيالو
واول ما فاح العطر وتكشف البلور
وقطعه ورا قطعه الحراير عنك انشالو
بلش يروح ويجي وتحرقص ومقهور
بدو يذوق الحلو ومش قادر يطالو
ولما دلقتي الذهب ع شراشف المقصور
وصاروا طيور الثلج يتغنجوا قبالو
تشردق بدمعه وظل بجانحه المكسور
يشبِّق بهاك القفص حتى قتل حالو
******
الرجوع الى أعلى الصفحة اذهب الى الأسفل
أبو فادي



الجنس: ذكر
المشاركات : 272
العـمر: 28
الإقامة: سوريا
العـمل: !!!
المزاج : جيد
السٌّمعَة: 12
التسجيل: 08/01/2010

مُساهمةموضوع: رد: قصايد زجل    الأحد سبتمبر 12, 2010 2:45 pm

طليع حمدان
الى فيروز
-----------
بعدو القمر ع تلالنا سهران
يحكي حكايا الكان ياما كان
حلوة السَحَر ع شالها مدروز
كترت ما فيها تجرح الوجدان
بنهداتها صوب السما بتجوز
وبصوت انقى من صفا المرجان
بتزرع ليالينا العتيقة كنوز
وبتقول نحنا و القمر جيران

فيروز يا تاريخنا المغروز
بأرض القداسة من مدى الازمان
يا زاد خير لشعبنا المفروز
يا شموخ مدلج ع جبل صوان
ارزة المجد، المجد ما بتعوز
ومهما عليكي تأمروا التيجان
بتبقي يا فيروز الارز فيروز
الاكبر من العتمة و من النسيان
ومتل الارز صورة لمجد لبنان

............

الرجوع الى أعلى الصفحة اذهب الى الأسفل
أبو فادي



الجنس: ذكر
المشاركات : 272
العـمر: 28
الإقامة: سوريا
العـمل: !!!
المزاج : جيد
السٌّمعَة: 12
التسجيل: 08/01/2010

مُساهمةموضوع: رد: قصايد زجل    الثلاثاء سبتمبر 14, 2010 10:17 am


حوار
القرادي بمباراة البابلية :
زين شعيب / زغلول الدامور
خليل شحرور / طليع حمدان


خليل شحرور
كنا نجرح ونداوي --- بالميريلاند على طول
بعدو بيحكي فرنساوي ---ا نشا لله ما يكون الزغلول

فرنساوي تعلم عا طول--- بسنة العشرين الرجال
لا بيحولولا بيزول --- وبعدو عا ذات الموال
جايي وبدي للزغلول --- الليلة بجنوب الأبطال
وقلو يحكي قبلاوي --- جبلو حطة وجبلو عقال

زغلول الدامور
عا لغتنا القومية --- فرنساوي بحكي وبغار
وبتشرف بالكفية --- وعندي عقال من الأشعار
حبوني وشهدو فيي --- وبالميريلاند الأنصار
احكي قبلاوي وخليك --- واليوم قصدتك عالدار
مخرسن قاعد بالزاوي

خليل شحرور
ولو أغلى جنوبي بتنعد --- ان صرت جنوبي مش زعلان
تسافر وعليي ترتد --- لاكن خايف من لبنان
يحكي بداوي عن جد--- في باشا بالأردن كان
بطل يحكي بداوي --- ولما سافر من عمان


زغلول الدامور
وبحالي مني مغشوش --- الله خالقني فنان
ومش عاشبر مويي بفوش --- بحكي بغني بألف لسان
كل شي في الدنيا عروش --- ولو عطيوني الأميركان
من توتتنا جوز كبوش --- ما بعطيهن من لبنان
ولاالشروال ولا الطربوش --- ولا بنسى جراب الرعيان
جدي فيها متغاوي --- ولا هاك اللبادي الكان


خليل شحرور
ولا بالمأكل والملبس --- القصة مش قصة تجريب
من خيوط الشمس المحبس --- ولا من اللبادي البتجيب
نحنا وأنتو بالمغطس --- تا جرح الأوطان يطيب
واللي تأمرك وتفرنس --- شبعنا تهويد وتعريب
وحط الواوي بالمكبس --- الديب على نعجاتك جيب
ولا بيجلس ديل الواوي --- لا بيتغير طبع الديب


زغلول الدامور
وعطر الزهر ببستانو --- لبنان الكان كلو زهور
ويا حينو يا ضيعانو --- صفى لا زهور ولا عطور
ويحرسأرزة لبنانو --- حتى الأعمى يشوف النور
ويضويالبيت بسكانو --- للكرم نرد الناطور
نوينا نكلخلو سنانو--- نحنا للديب المغرور
عاقتل الواوي ناوي --- وأنت انشا لله يا شحرور


طليع حمدان
الزين وزغلول الجذاب --- عالبوابي في سبعين
يللي بيحضر يعني غاب --- وينو يللي بيحضر وين
يا محمد عبد الوهاب --- حاجي تقولو يخزي العين
متل السيد مكاوي --- عنا غناني السيد زين


زين شعيب
يا زغلول بهداوي --- احكي فرنساوي ولا تخاف
ومافي قاف فرنساوي--- وحمدان بيحكي بالقاف

عندك صوت بيحيي الموت --- يا بو شادي بغنانيك
ومن فيروز بتربح صوت --- ميادة جايي تهنيك
مابيفيدك حسن الصوت --- بس بهالعركة يا شريك
ولا ميادة الحناوي --- لا فيروز بتشفع فيك

طليع حمدان
واسأل تاريخ الراوي --- حرف القاف بعسكرنا
أكبر راس فرنساوي --- كرامة أدهم كسرنا
بتسال عني مش عنك --- ميادة الملياني كنوز
يا شباط بيضحك سنك --- لما بتغني بتموز
نغمتها أشعر منك --- وفيروز بعقد الفيروز
زرار وفاتو بعراوي --- شعري وحنية فيروز


زين شعيب

عراوي وزرار بفستان --- يا فيروز بفيروزين
بصوتك وبصوت النسوان --- جايي تتمرجل عا زين
الليلة نشوفك يا حمدان --- البعدو ناقص يخزي العين
ومهضوم وخصرك لاوي --- الحمرة عشفافك رطلين


طليع حمدان
لاوي عالوردة الحمرة --- اتركني متل المنتورة
تا حمرة شربت حمرة --- الفوق خدودي معصورة
بحياتك يا بو سمرة --- ويا بو خلقة مشهورة
لخيك سامي الصيداوي ---تصور وبعتلو صورة

زين شعيب
مطرب غنا بيوت النصر --- سامي الصيداوي المعروف
بترقصلو ستات القصر --- وزين شعيب ان هز دفوف
تترقوص وتهز الخصر --- بدنا منك يا بن الشوف
وطبلةأحمد برجاوي --- عا نغمة جرجي وسوف

----------------
الرجوع الى أعلى الصفحة اذهب الى الأسفل
أبو فادي



الجنس: ذكر
المشاركات : 272
العـمر: 28
الإقامة: سوريا
العـمل: !!!
المزاج : جيد
السٌّمعَة: 12
التسجيل: 08/01/2010

مُساهمةموضوع: رد: قصايد زجل    الجمعة سبتمبر 24, 2010 1:53 pm

خليل شحرور: وينك يا عمر الهني
------------
وينك يا عمر الهني ويا ليل موّالي
اسمك بقلبي الحزين ورسمك قبالي
معقول انسى الشمع كيف الشمع بيدوب
لوما بليلك حياتك دايبه ليالي
معقول انسى هواك وإنت يا محبوب
عايش ببالي وما عم تروح من بالي
وكل ما خيالي مرق ع خيالك المهيوب
خلّلي خيالك يجي ليله مع خيالي
مكتوب ببعت بحسرات الدمع مكتوب
وإنت ببريد العطف ما بتبعت رسالي
نيال قلبو الما عند بهالدني محبوب
ويا ويل قلبو اللي قلبو من الهوا خالي
بجرّب بريشة نغم وبكاسة المشروب
طفّي لهيب الجمر عافرقة الغالي
برجع عاخد القلق شوف الدمع مسكوب
وأكتر ما غالي الجمر دمع الهجر غالي
بجرّب بغروب الشمس اهرب من المكتوب
وشوفك عاخدّ القمر بالميّ بتلالي
برجع بشوف العمر آخر حياتو غروب
بفزع عَ حالي لإنك ساكن بحالي
الرجوع الى أعلى الصفحة اذهب الى الأسفل
Amer-H
صديق فيروزي متميز جدا
صديق فيروزي متميز جدا


علم الدولة: Syria
الجنس: ذكر
المشاركات : 7224
الإقامة: Sweden
العـمل: IT-computer
المزاج : Good
السٌّمعَة: 309
التسجيل: 09/02/2007

مُساهمةموضوع: رد: قصايد زجل    الثلاثاء أكتوبر 05, 2010 10:48 pm


_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
أبو فادي



الجنس: ذكر
المشاركات : 272
العـمر: 28
الإقامة: سوريا
العـمل: !!!
المزاج : جيد
السٌّمعَة: 12
التسجيل: 08/01/2010

مُساهمةموضوع: رد: قصايد زجل    الخميس أكتوبر 07, 2010 3:45 pm

الزجل هو فن من فنون الأدب الشعبي و شكل تقليدي من أشكال الشعر العربي باللغة المحكية. و تعني كلمة زجل بالعربية "الصوت" و هو ارتجالي، وعادة يكون في شكل مناظرة بين عدد من الزجالين (شعراء ارتجال الزجل) مصحوبا بإيقاع لحني بمساعدة بعض الآلات الموسيقية. ينتشر الزجل بشكل كبير في لبنان وغرب سورية.
وشعر الزجل من روائع الكلام يدخل إلى القلب بيسر ويتقبله السامع لحلاوة كلماته وشفافيته. ويصف جبران خليل جبران الزجل بأنه مثل باقة من الرياحين قرب رابية من الحطب.

يتحلى الزجّال ( شاعر الزجل ) بسرعة بديهته ، وقوته في الارتجال ، والتعبير عن كل ما يعترض حياته من خلال شعره المعبّر. ويتغنى للأمجاد وللوطن والطبيعة والجمال بكلمات تحمل الدفء والسحر الذي لا يوجد في غيره ، والزجل هو مسرح الحياة اليومية التي نعيشها بجميع قواعدها ، ويتناقله الناس من خلال جلساته وسهراته، فنرى الزجّال يستمع له المئات بل الألوف من الناس وتهتز لكلماته الأجسام وتطرب القلوب والآذان.

تاريخ الزجل:
نشأ الزجل في بلاد الأندلس على الأرجح ، وهو الرأي المعتمد لدى معظم المؤرخين ، وعلى رأسهم ابن خلدون ، إذ يقول في مقدمته: "نشأ الزجل على يد ابن قزمان الذي عاش في أواخر القرن الخامس والسادس للهجرة ، ويذكر معه اسم الأعمى التطيلي" ، ولعل من أوائل الذين نظموا الأزجال هو: سعيد ابن عبد ربه المتوفى سنة 341 للهجرة ، وهو ابن عم صاحب العقد الفريد ، ومن بعده أبو يوسف هارون الرمادي شاعر المنصور الذي كان يسمى أبا جنيس ، ومن أبرز الزجالين أبو بكر محمد بن عبد الملك ابن قزمان.
وانطلاقا مما تقدم يمكننا القول: إن تاريخ الزجل يعود إلى العصر الأندلسي الذي أبدع شعرائه إبداعا رائعا في الزجل ، إلا أن معظم هذه الأزجال قد ضاعت لعدم تدوينها ، ويرى القسيس عيسى الهزاز والبطريرك يوسف العاقوري وسواهم أن الزجل انتقل مع انتقال الموارنة من اللغة السريانية إلى اللغة العربية. ولهذا تلتقي أوزان شعره مع بعض أوزان الشعر الفصيح ، فوزن البسيط يستخدم في الشروقي والموّال ، ويستخدم الوافر في القصيد والعتابا ، ويستخدم بحر الرجز للمعنى.

انواع الزجل :
وللزجل أنواع كثيرة ، فهو كوردة تفرعت منها أغصانها في كل غصن طعم ولون ورائحة زكية وهذا حال الزجل فمنه:

المعنى والموشح والقرّادي .

ويعتبر الشعر الزجلي، الشعر الأكثر شعبية في لبنان، أو على الأقل هذه مكانته المفترضة، وهكذا كانت حاله منذ الثلاثينات مع الشعراء المؤسسين مثل: شحرور الوادي ، ورشيد نخلة ، ومع الجيل الثاني والثالث مثل: أنيس فغالي ، وزعلول الدامور ( جوزيف الهاشم ) ، وزين شعيب ( أبو علي ) ، ومحمد مصطفى ، وجان رعد ، وموسى زغيب ، وأسعد سعيد وغيرهم..

أشهر الجوقات الزجلية في لبنان

كان الشعر المنبري في عصر النهضة في ازدهاره ووهجه ، وبما أنه رمز من رموز التراث العامي وبما أنه عمل ثقافي وشعري كان الشعراء يسعون إلى تأسيس جوقات زجلية وترؤس هذه الجوقات دلالة على مكانتهم الشعرية في المجتمع، حققت شهرة كبيرة جدا ومنها ما هو مستمر حتى يومنا هذا.

1. كانت جوقة شحرور الوادي (الشاعر أسعد الخوري الفغالي) أولى الجوقات ، حيث راودت الشحرور فكرة إنشاء جوقة مدة 3 سنوات قبل أن نفذها في عام 1928، وواجه عقدتين اسم الفرقة وأشخاصها. وتمكن من تكوين جوقة شحرور الوادي وضمت في بدايتها الشحرور – أمين أيوب ، يوسف عبد الله الكحالة ، إلياس القهوجي، ثم انضم إليها بعد ذلك علي الحاج ، طانيوس عبده ، وأنيس روحانا.
بعد وفاته انضم إلى الجوقة حسب وصية الشحرور الشاعر أميل رزق الله ، وبقيت الجوقة محافظة على أعضائها إلى تاريخ وفاة الشاعر علي الحاج عام 1971، وكانت نواة الزجل وتأسيس الجوقات.

2. جوقة بلبل الأرز: تألفت سنة 1928 وأسسها وليم صعب ، وكان حينها في السادسة عشر من عمره ، وملقبا ببلبل الأرز . بقيت حتى عام 1937 بعد وفاة وليم توقفت عن نشاطها الزجلي وتحولت إلى النشاط التمثيلي.

3. جوقة كروان الوادي: تألفت عام 1931 ، وكان يرأسها الشاعر كميل خليفة الملقب بكروان الوادي ، عباس الحوميني ، جورج سعادة حرب ، وإلياس نجيب الخوري ، وتبدلت أسماء أعضائها طيلة نشاطه ا، وظهرت على شاشة التلفزيون اللبناني بحفلات أسبوعية ، وكانت في منافسة شديدة مع جوقة الشحرور ، وفي منتصف الخمسينيات اتجه الكروان لتأسيس مجلة " كروان الوادي " وأخذت منه كل الوقت ، وأبعدت الجوقة عن الحفلات إلى أن توقفت الجوقة عن إحياء الحفلات الزجلية نهائيا في بداية الستينيات.

4. فرقة زغلول كفرشيما: تألفت في عام 1932 وكانت برئاسة ميشال القهوجي الملقب بزغلول كفرشيما ، واعتلت المنابر الزجلية ، وفي عام 1938 استبدل اسمها ليصبح فرقة الزغلول ، وبقيت حتى عام 1965 حيث اعتزل المنبر وتوجه إلى مجلته الأدب الشعبي. 1944 كانت أول فرقة تدشن إذاعة لبنان بحفلة عن الاستقلال دامت نصف ساعة ، وأوقفت الدولة نشاط الفرقة لمدة سنة كاملة عام 1934 ، وتكرر الأمر في عام 1938، وفي عام 1942 سُمح للفرقة بالنشاط ، ومنع ميشال القهوجي من العمل المنبري لمدة سنة، وازدهر الزجل ما بين 1949 و1969، وفرقة زغلول كفرشيما كانت منافسة لجوقتي شحرور الوادي والكروان.

5. جوقة نسر المزرعة: تأسست سنة 1934 ألف الشعراء أمين أيوب وإلياس القهوجي وسليم الفران ومتري الدَرَزي، جوقة زجلية دون أن يكون لها اسم وأحيوا العديد من الحفلات ، وبعد فترة قصيرة أطلقوا عليها اسم نسر المزرعة نسبة إلى لقب الشاعر متري الدَرَزي.

6. الرابطة العاملية: تقريبا في عام 1943 تألف الرابطة العاملية الزجلية برئاسة الشاعر علي الحاج البعلبكي وعضوية السيد محمد المصطفى ، عبدالجليل وهبه، أسعد سعيد وعبدالمنعم فقيه.

7. جوقة أهل الإذاعة: تأسست في مطلع أيار 1955 وقدمت حفلتها الأولى من الإذاعة اللبنانية بمناسبة عيد الشهداء وكانت تضم طانيوس الحملاوي، أسعد السبعلي، عبدالجليل وهبة وأسعد سابا. توقفت بعد سنتين لأسباب مجهولة.

8. جوقة الأرز: أسسها الشاعر حنا موسى سنة 1944 وكانت تتألف من الشعراء شحادة الفغالي وأنيس الفغالي ثم تركها أنيس ليلتحق بالتدريس، والتحق بها إلى جانب حنا موسى الشاعرين خليل روكز وزين شعيب ودامت ثلاث سنوات، تعاقبت الأسماء وتبدلت خلال عمر الجوقة وانتهت الجوقة في عام 1997 حيث أودى حادث سير أليم برئيسها حنا موسى وهو في طريقه لإحياء حفلة زجلية في شويت – المتن الأعلى.

9. جوقة زغلول الدامور: أسسها الشاعر جوزيف الهاشم الملقب بزغلول الدامور سنة 1944 وكانت مؤلفة في بدايتها من الشعراء إضافة إلى الزغلول الشعراء جوزيف الخويري، طانيوس الحاج وواكيم سعادة. وهي لا تزال حتى يومنا هذا، وتتبدل أسماء الشعراء فيها من وقت لوقت ، فيخرج شاعر ليدخلها آخر ومر بها كثير من الشعراء المشهورين وهنا بعضا منهم لا حصرا: خليل روكز، زين شعيب، جان رعد، أسعد سعيد، جوزيف الخويري، فرحان العريضي، طانيوس الحاج، موسى زغيب، كميل زيادة، إنطوان باسيل، كميل شلهوب، طليع حمدان، ادوار حرب، إلياس خليل، أديب محاسب، فايز المغربي، سمير عبدالنور، وغيرهم .
كانت ولم تزل لها مشاركات بارزة في المباريات المنبرية، إذ خاضت مباراة المشرف أيلول 1970 التي سجلت أكبر حضور حاشد لمستمعي الزجل ومن ثم مباراة القلعة – بيت مري تموز1971، وبعدها مهرجانات المدينة الرياضة حزيران 1972، والكثير الكثير كما شاركت في مهرجانين من مهرجانات جرش ولم تتوقف عن إحياء الحفلات صيفا أو شتاء وفي بلاد الاغتراب، ولم تزل حتى اليوم.

10. جوقة الجبل – فرحان العريضي: تأسست عام 1953 برئاسة فرحان العريضي وعضوية الشعراء انطوان عيد، حنينة ضاهر، مزيد حمزة وشارك في بعض حفلاتها رفعت مبارك، لم تحيي الكثير من الحفلات لكنها كانت ذات حضور إعلامي

من أهم شعراء الزجل في لبنان

زين شعيب
شاعر لبناني من أشهر شعراء الزجل من أبياته:
• الشاعر بيحس باوضاع مابيحسا المش شاعر
• وتا يرتاح من الاوجاع بيكتب شو هوي شاعر
زين شعيب - أبو علي:-ولد في بلدة الشرقية عام 1924, نشأ والشعر على ألفة فتناغيا وترعرعا معاَ, في السابعة من عمره فتح للشعر صدره واحتضنه يافعا, فكان الشعر وفيّا لذلك الاحتضان, فملّكه زمام أمره وانقادت له قوافيه فملك أمرها وقوّم اعوجاجها, تحداه الكثيرون فامتاز عليهم وأصبح شاعر الارتجال بلا منازع.

جوزيف الهاشم:
الملقب باسم (زغلول الدامور) شاعر لبناني من أشهر شعراء الزجل ولد جوزيف الهاشم زغلول الدامورفي بلدة البوشرية قضاء المتن سنة 1925 والده مخايل الهاشم من الدامور ووالدته سيسيليا جرجورة العيراني من عاريا. تلقى علومه في مدرسة جديدة المتن الكبرى التي كان يديرها الخوري الشاعر يوسف عون وكان من التلاميذ المجلين وفي سن التاسعة تفتحت لديه موهبة الشعر فكان يفترش الأرض بين الصنوبر حاملا قلما وورقة يدون عليها ما يتفتق له من ابيات يرددها حتى أصبح معلموه و رفاقه يقولون فيه :"هيدا الصبي ابن الداموري مزغلل وعم يكتب شعر " ومن يومها عرف بلقب زغلول الدامور.

موسى زغيب :
شاعر لبناني من أشهر شعراء الزجل موسى زغَيب الملقَّب بـ"المَلِك"، وُلِدَ في حراجل عام 1937. واعتلى المسرح حين كان في السابعة عشرة من عمره، وظلَّ رفيقَ الشاعر خليل روكز حتّى وفاة هذا الأخير عام 1962. وبعده رئس جَوقة "خليل رُوكز"، ثمّ غيّرَ الاسم إلى "جَوقة القلعة" التي لا يزال رئيسَها. ويُعتبَر موسى زغَيب القُطب الأكبر في مُباريات التحدّي بين الفِرَق الزجَليّة في لبنان؛ وهو يختار خصومَه برويّة، ولا يقبل النـِّزال مع أيٍّ كان. وتقديرًا لجهوده وشعره المميَّز منحَته الحكومةُ اللبنانيّة وِسامَ الاستحقاق اللبنانيّ عام 1973، "لِنَشرِه رسالةَ التُّراث اللبنانيّ في لبنان وجميع بلدان الاغتراب." ويتميّزُ شعرُ زغَيب بالعمق والصعوبة؛ فهو إنّما "ينحتُ من صخر"، مُقارَنًا مع الزغلول الذي وكأنّه "يغرف من بحر" لسلاسة تدفُّقه وسهولة انسياب أبياته وأُسلوبه السهل المُمتنِع. وموسى زغَيب خصمٌ عنيد وجبّارٌ صنديد يُحسَبُ له ألفُ حساب على المنبر.

خليل روكز :
خليل روكز شاعر مبدع ومفكّر فيلسوف.أغنى الزجل اللبناني كتابة وارتجالاً وسما بالمنبر الزجلي إلى ذروة الكمال.وكان له فضل تطوير المناظرات الشعرية بنقلها من صعيد العنتريات إلى صعيد الحوار الفكري البنّاء فتناول مختلف المواضيع وتصدى لأغلب المشكلات التي عاناها الإنسان في زمانه كما في كل زمان.ولا شك أن الخليل استطاع بموهبته الفذّة وسعة اطّلاعه أن يعالج كثيراً من المسائل الاجتماعية المهمة عارضا لها.

طليع حمدان :
ولد طليع حمدان بتاريخ 19 كانون الثاني من عام 1944 في قرية عين عنوب الواقعه في الشوف اللبناني متزوج للسيده سلوى حمدان ولهما اربعة اولاد هم شادي, خزام, سحر وزينه يعتبر من اكبر عمالقة الزجل اللبناني, وربما اكبرهم. حيث يملك كافة اركان الشاعر المنبري وهي, الصوت, الأداء والشعر بدأ مشواره الفني عام 1963, وكانت اول حفلاته مع الشاعر الكبير "ابو علي" زين شعيب عام 1964 كان في جوقة زغلول الدامور حوالي عشر...

------------------
الرجوع الى أعلى الصفحة اذهب الى الأسفل
Amer-H
صديق فيروزي متميز جدا
صديق فيروزي متميز جدا


علم الدولة: Syria
الجنس: ذكر
المشاركات : 7224
الإقامة: Sweden
العـمل: IT-computer
المزاج : Good
السٌّمعَة: 309
التسجيل: 09/02/2007

مُساهمةموضوع: رد: قصايد زجل    الأحد أكتوبر 10, 2010 11:09 pm


_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا


علم الدولة: Syria
الجنس: ذكر
المشاركات : 7224
الإقامة: Sweden
العـمل: IT-computer
المزاج : Good
السٌّمعَة: 309
التسجيل: 09/02/2007

مُساهمةموضوع: زجل لبناني - طليع حمدان فيكتور ميرزا القسم الثاني    الأحد أكتوبر 10, 2010 11:58 pm

زجل لبناني - طليع حمدان فيكتور ميرزا



......................

_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
أبو فادي



الجنس: ذكر
المشاركات : 272
العـمر: 28
الإقامة: سوريا
العـمل: !!!
المزاج : جيد
السٌّمعَة: 12
التسجيل: 08/01/2010

مُساهمةموضوع: رد: قصايد زجل    الأربعاء أكتوبر 13, 2010 12:02 pm

مشكور قصيدة طليع حمدان سمعتها ..يعطيك العافية ..بس طليع حمدان وفيكتور ميرزا مو طالع عندي فيديو ....
تحياتي
الرجوع الى أعلى الصفحة اذهب الى الأسفل
أبو فادي



الجنس: ذكر
المشاركات : 272
العـمر: 28
الإقامة: سوريا
العـمل: !!!
المزاج : جيد
السٌّمعَة: 12
التسجيل: 08/01/2010

مُساهمةموضوع: رد: قصايد زجل    الإثنين نوفمبر 01, 2010 5:42 pm

زين شعيب – أبو علي
شحاد
............
يا مين ع شحاد يهديني
منشان سرّ الكار يعطيني
لا مال بدّي ولا برزق طمعان
ولا مقصدي ضيعة ولا مديني
بدّي عصا من قرمة العميان
اتعكّز عليها بتكفيني
وادّروش وأبرم على الجيران
وع كل عتبه ينحني جبيني
شحاد بشحد عاطفة وتحنان
من اللي جرح قلبي وناسيني
وبتنهنه بغصّة طفل عطشان
قلبي احترق يا ميمتي اسقيني
شحاد بشحد كحلة الغزلان
من عيونك اللي فيهن قتلتيني
وبشحد لك الغفوي من النعسان
حتى تنامي يا تقبريني
وبطلع على بشري حمى جبران
بقلّو ع سلمى دخلك هديني
بحبش ونبّش بهالجدران
ع شي عبارة حبّ ترضيني
وبرجع وبستنّى شهر نيسان
وبقول بكرا الخير جاييني
بشحدلك من الورد والريحان
ووين ما دعستي تقشعي زيني
وبكتب من الإنجيل والقرآن
حجابات فيها دينك وديني
بلكي بتجي وبتطردي الشيطان
واللي حضى يعقوب يحضيني
قبلي وبعدي ما انظلم انسان
ع قدّ ما بحبّك ظلمتيني
لو كان قلبك من صخر صوّان
حلّو يلين الصخو وتليني
وراضي لا والله مش زعلان
وأعوام بقبل لو حكمتيني
ع شرط إنت تفصّلي الأكفان
وإبقي ع قبري بالسنة مره
حسنه لوج الله زوريني
.............

الرجوع الى أعلى الصفحة اذهب الى الأسفل
Amer-H
صديق فيروزي متميز جدا
صديق فيروزي متميز جدا


علم الدولة: Syria
الجنس: ذكر
المشاركات : 7224
الإقامة: Sweden
العـمل: IT-computer
المزاج : Good
السٌّمعَة: 309
التسجيل: 09/02/2007

مُساهمةموضوع: رد: قصايد زجل    الأربعاء نوفمبر 03, 2010 6:15 pm


أبو فادي لك كل الشكر عن موضوع الزجل ..ودعني أضيف
أنه في الزجل اللبناني هناك تسميات مثل المحبوك ...والمطبع والمرصود ..إلخ


المحبوك :
اشتدّ احتدّ الجدّ امتدّ
نفود الجود وجود شهود
لحدّ الغدّ بعدّ بردّ
بقود جنود فهود أسود
بمدّ اليدّ بصدّ الصدّ
برود حدود صرود جرود
بكدّ بجدّ بهدّ بقدّ
أسود قرود السود الغال
الهيّاج:
أصول بقول* شهور ودهور
نهور وبحور بجول وبصول
بجول وبصول بحور ونهور
دهور وشهور بقول أصول
شتول* القول زهور وعطور
زور ونظور فصول وفصول
فصول وفصول وزور ونظور
زهور وعطور القول اشتول
المطبّق:
طبق حروف وهزّ صفاح
وفنّ وقول وجوق يرجّ
طرق دفوف وعزّ وراح
ورنّ طبول وبوق يضجّ
خرق صفوف وعز سلاح
وسنّ نصول ونوق تعجّ
برق سيوف ودر رماح
وعنّ خيول بسوق مجال
المرصود :
وحقّ المصلوب فوق العود
ومسمار الفي روحو راح
جبلت الفن بروح العود
وصيتي شاع لقلبي راح
بدعت البسط ودقّ العود
صنّعت من المعنى راح
رفعت النمر بسن العود
وضعت بساق السبع شكال
...

وهذا مقطع زجل نادر وقديم



_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
أبو فادي



الجنس: ذكر
المشاركات : 272
العـمر: 28
الإقامة: سوريا
العـمل: !!!
المزاج : جيد
السٌّمعَة: 12
التسجيل: 08/01/2010

مُساهمةموضوع: رد: قصايد زجل    السبت نوفمبر 06, 2010 4:39 pm

مشكور جدا ..والزجل بحر كثير واسع ..
وهناك القرادي القلاّب وهذا مقطع
ضيعتنا كواكب من نور
وتلال بتشرف عاتلال
وعصفورة تغازل عصفور
وشلال يغازل شلال

رموش الغيد بتحني اسود
بتلوي زنود بيوم العيد
يوم العيد بتلوي زنود
بتحني اسود رموش الغيد
بعرس وقوالين وعود
وفينا وعود بلا مواعيد
بلا مواعيد وفينا وعود
بقوّال وعودين وعرس
وعود وعرسين وقوّال
...............
الرجوع الى أعلى الصفحة اذهب الى الأسفل
 

قصايد زجل

استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 5انتقل الى الصفحة : الصفحة السابقة  1, 2, 3, 4, 5  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
 ::  :: -