الرئيسيةالبوابةبحـثأرسل مقالس .و .جالتسجيلدخول
شاطر | 
 

 قصايد زجل

اذهب الى الأسفل 
انتقل الى الصفحة : 1, 2, 3, 4, 5  الصفحة التالية
كاتب الموضوعرسالة
Ginwa
صديقة فيروزية نشيطة
صديقة فيروزية نشيطة
avatar

الجنس : انثى
المشاركات : 1198
العـمر : 48
الإقامة : لبنان
العـمل : عمل مكتبي
المزاج : ماشي الحال
السٌّمعَة : 4
التسجيل : 06/04/2007

مُساهمةموضوع: قصايد زجل    الأربعاء يونيو 23, 2010 3:20 pm



شوفتكم حاطين مواضيع حلوة عن شهد العراقية وعن الشعر اللي بتقوله
هالمقاطع حلوة وفيها شيء من التراث ويمكن تشبه العتابا والاوف والزجل
ويمكن تكون تختلف من بلد لبلد ثاني
بس انا بشوف برنامج الاوف للزجل اللي بيطلع بلبنان مثل هالبرنامج اللي حاطينوه لشهد العراقية بس مابعرف كيف فيني حط بعض المقاطع
شو رايكم نكتب شو عن الزجل وبعض الزجالين ونجمع شوية قصايد زجل وكمان صور للزجالين
اللي بيعجبه الفكره يكتب معي وبضل راي الجماعة افضل وانا رح بلش من عندي
مع الشاعر الكبير موسى زغيب ملك الزجل
رح بلش مع الكبير موسى زغيب
موسى زغيب شاعر لبناني من أشهر شعراء الزجل موسى زغَيب الملقَّب بـ"المَلِك"، وُلِدَ في حراجل عام 1937.
واعتلى المسرح حين كان في السابعة عشرة من عمره، وظلَّ رفيقَ الشاعر خليل روكز حتّى وفاة هذا الأخير عام 1962.
وبعده رئس جَوقة "خليل رُوكز"، ثمّ غيّرَ الاسم إلى "جَوقة القلعة" التي لا يزال رئيسَها. ويُعتبَر موسى زغَيب القُطب الأكبر
في مُباريات التحدّي بين الفِرَق الزجَليّة في لبنان؛ وهو يختار خصومَه برويّة، ولا يقبل النـِّزال مع أيٍّ كان.
وتقديرًا لجهوده وشعره المميَّز منحَته الحكومةُ اللبنانيّة وِسامَ الاستحقاق اللبنانيّ عام 1973، "لِنَشرِه رسالةَ التُّراث اللبنانيّ في لبنان وجميع بلدان الاغتراب."
ويتميّزُ شعرُ زغَيب بالعمق والصعوبة؛ فهو إنّما "ينحتُ من صخر"، مُقارَنًا مع الزغلول الذي وكأنّه "يغرف من بحر" لسلاسة تدفُّقه
وسهولة انسياب أبياته وأُسلوبه السهل المُمتنِع. وموسى زغَيب خصمٌ عنيد وجبّارٌ صنديد يُحسَبُ له ألفُ حساب على المنبر.
حصلَت عدّةُ لقاءات بين جَوقته وجَوقة الزغلول في المُشرِف وشتورا والمدينة الرياضيّة ومَيروبا والمتَين وعدّة أماكن أُخرى في لبنان وخارجه.
رح بلش بهالقصيدة: مشتاق زورك

مشتاق زورك ببيتك ولو بالأحلام ............ آخر السهرة وفي حد البيت صفصافة

ويكون بعدو رطب شعرك من الحمام....... ويصير يرقص من كتافك على كتافي

ونسهر ويسري الشهد عا ثغرك البسام...... وقلك دخيل الشهد والقطر عا كنافي

مفروض امشي وطريقي سيرعالأقدام ....... وللدرب اللي بقي من الليل مش كافي

تقولي مابقبل معك خليك عنا نام....... دربك رياح وخطر والطقس مش دافي

وابقى وبعد السهر انتي عا ريش نعام........ تغفي وابقى أنا والشوق ولحافي

ويشعل بقلبي العطش عا صدرك الرخام ......وبالسر قوم وإجي عا غرفتك حافي

هزك تتوعي وما توعي بعجقة الأحلام .........إلا ما اطبع عا خدك جمرة شفافي

**************

الرجوع الى أعلى الصفحة اذهب الى الأسفل
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8234
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: رد: قصايد زجل    الأربعاء يونيو 23, 2010 11:03 pm


شكرا يا أخت غنوة عالموضوع
وبالفعل يمكن هناك تشابه مابين التراث في كل من بلاد الشام والعراق
ويمكن لكل بلد له نوع خاص من التراث الشعبي يردده بلهجته الخاصة
التي تعبر عن حياته اليومية وأقرب شيء للأرض هو العتابا والزجل والابوذيات والدلعونا والهوارة..وأبو الزلف ..
أنا من عشاق الزجل وأستمتع بسماعه وخاصة عندما يكون في جوقة حوار
حصل الشرف أن ألتقيت بالشاعر الزجلي جريس البستاني
وكان قد حل ضيف كريم عليي في بلدة كفيفان سنة 1984 وشرب القهوة العربية من يدي
وأعجبني به درجة التواضع عنده وخلوقيته وكرمه وجودة لسانه بالشعر المرتجل
وكان لي شرف أن أكون في حفلة أحياها في بلدة كفيفان



تعد تجربة جريس البستاني من التجارب الإنسانية الفريدة، وبالتالي الشعرية المختلفة، بين شعراء الزجل.
فهو نشأ يتيماً في أوضاع شديدة القسوة، وقد أثر ذلك على الطريق الشعري الذي اختطه لنفسه.
كان أسطورة الزجل علي الحاج أول من شجّع البستاني واحتضنه،
ثم كان لقاؤه بأسطورة أخرى هي خليل روكز الذي ضمه إلى جوقته "جوقة الجبل"
وهي لا تزال جوقة البستاني حتى اليوم. ولد البستاني عام 1937 في حي الحمرا، الدامور.


***********
من قصائده
السنديانة
سألتْ عن عمر هوني سندياني
بيساع بجوف قرمتها تماني
جدّي قال قلّو لجد جدّي
جدّو قال هاي مش عازماني
رجعت ليها بعد ما ضعفت مدي
إسألها بإلحاح ورصاني
إنتي مين خلاّك تشدّي
ومن وين الأساس الأوّلاني
قالت بذكر من دهور عدّي
آدم هون بلوطه رماني
وعيت بهالتراب الباس خدّي
وشموخي من عمر أول حضاني
قلت بالقطع ما شفتي تعدّي؟
قالتلي مبلى بداعي التهاني
من خشابي لأول عرس جدّي
حوّل بنتها عملت خزاني
وبذكر نوح بالطوف المُعدّي
من خشابي فلكو متاني
ورجع من بعد طوفي مستبدّي
بمطرح ما تودّعنا لاقاني
قلت واليوم عم بقشع تردّي
بحلاكي وليش لونك زعفراني
قالت للنهاية مستعدّي
البقا لله خبّر عن لساني
قلت ما زال جيتي تردّي
الأمانة وصار ضعفك عم يعاني
انحني حنية منازع عالمخدّي
وعافرشة راحتك ردّي الأماني
قالت يا ابن أرض المودّي
حرام عليك تجرح عنفواني
إنتْ لو مؤمن بهالأرض قدّي
كنت بتجذّر شلوشك مكاني
أنا الجعّد جبينو الدهر حدّي
وحردبْ قبل ما جوّد حناني
بقي جسمي على القشري مهدّي
تا إيبس على الواقف لإنو
إبن لبنان ما بيموت حاني

************

_________________


عدل سابقا من قبل Karl في الخميس يونيو 24, 2010 11:29 am عدل 1 مرات
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
basmah



الجنس : انثى
المشاركات : 212
العـمر : 28
الإقامة : Sweden
العـمل : student
المزاج : good
السٌّمعَة : 2
التسجيل : 28/05/2010

مُساهمةموضوع: رد: قصايد زجل    الخميس يونيو 24, 2010 9:17 am

حلوة هالفكرة يعني فينا نجمع قصايد من التراث ونتعرف على شخصيات
ويمكن أنا بقول في الزجل بتكون محاورة ولكن بالأبوذيات بنسميها مساجلة
ويعني بالعتابا لازم تكون معاتبة ههههههههه
بالتوفيق
باسمة
الرجوع الى أعلى الصفحة اذهب الى الأسفل
أبو فادي

avatar

الجنس : ذكر
المشاركات : 273
العـمر : 32
الإقامة : سوريا
العـمل : !!!
المزاج : جيد
السٌّمعَة : 12
التسجيل : 08/01/2010

مُساهمةموضوع: رد: قصايد زجل    الجمعة يونيو 25, 2010 9:10 am

يسلموا عالموضوع الحلو ويعني الزجل بضل مثل النبع ،نابع من القلب لانه عفوي وارتجالي
وبحب شاركم بالموضوع وهاي من عندي قصيدة
......................

قصيدة للشاعر زين شعيب:

يا تاركي القلب ع نـار الفـراق يـذوب.....لا قدرت صد الجفا ولا قدرت انساكـي

عايش حزين الهوى وبعيشتي منكــوب.....ودموع عيني شتي كانـــون بتحاكــي

كنت بهواكي مسلح في صبـــر أيــوب.....قطع نسيم الهوى من الصبر أسلاكـــي

ولو كان قالو بكي حتى عمــــــي يعقوب....لا تصدقي الناس مش هوي أنا الباكي

شوفي دموعي عخدي حافريــــن دروب.....من القلب للعين حيثــو كـان مأواكـي

وراضي بحالي وعاجز عن غرامك تـوب....وين الحنـان البقلبـك ويــن مبداكــي

وما زال راضي على نفسي وأنا المغلوب....وأنــت رضيتــي بتعذيبـي وأهلاكــي

خدمة لألله ولنو تسمحــــي بمكتـــوب.... تابخًر القلــب في خطـــك وامضاكـــي

يا تاركي الارض تشرب مدمعي المسكوب....شو أحوج العيــن تسكب دمع لولاكي

ولو بتنصفيني كبر هالجرم مش محسوب.....ومن قبل موتي بدقيقـه عيش وياكي







عدل سابقا من قبل أبو فادي في الثلاثاء يونيو 29, 2010 10:03 am عدل 1 مرات
الرجوع الى أعلى الصفحة اذهب الى الأسفل
Ginwa
صديقة فيروزية نشيطة
صديقة فيروزية نشيطة
avatar

الجنس : انثى
المشاركات : 1198
العـمر : 48
الإقامة : لبنان
العـمل : عمل مكتبي
المزاج : ماشي الحال
السٌّمعَة : 4
التسجيل : 06/04/2007

مُساهمةموضوع: رد: قصايد زجل    الأحد يونيو 27, 2010 10:45 am

شكرا يا أصدقاء على مشاركتي الموضوع باركم الرب وفينا نجمع عدد كبير من قصايد الزجل المكتوبة والمسموعة يعني شيء من تراثنا
وأنا من عندي قصيدة جديدة لموسى زغيب
...........
مشتاق
مشتاق انتي وانا بمواسم الرحلات.........نطلع برحلة سوا ومشوارنا بقاعي
انطر تنوصل سوا عاكواع المريجات.........نلف الكواع وبخصرك دقدق كواعي
وننزل وتدري الدهب وتريحي الكنزات........ ويعكس بريق الشمس عارخام إبداعي
وقلك نسيم السهل أخوت الو هبّات........... بفزع إن داق الكرز بالأطيب يداعي
وتزهر غصونك صبا ويتشهونوا النحلات........وتسبق عنين النحل عنات أوجاعي
وقلك عاجنبي اقعدي ممنوع غيبيات.............تشرد بهاك السهل عنجة بلا راعي
ونعمل فراش العشب وزنودنا مخدات............ويعقل جنون الهوى وتجن أطماعي
وعالعتم عين الغزال تشوفنا خيالات..........وينفك طوق الخصر ويطوقك باعي
وبالليل نرجع سوا ومامنعرف الطرقات........وقلك عا كفّي ادعسي حتى ماتوقعي
ونتكي بليل التعب عامخدة العتمات...........نغفى ويبقى الشوق بقلوبنا واعي



الرجوع الى أعلى الصفحة اذهب الى الأسفل
أبو فادي

avatar

الجنس : ذكر
المشاركات : 273
العـمر : 32
الإقامة : سوريا
العـمل : !!!
المزاج : جيد
السٌّمعَة : 12
التسجيل : 08/01/2010

مُساهمةموضوع: رد: قصايد زجل    الثلاثاء يونيو 29, 2010 10:06 am

أسعد السبعلي
1998-1910
(شاعر السنديان، من ألمع شعراء الزجل، من بلدة سبعل في قضاء زغرتا القرية اللبنانية ملهمة السبعلي بأبنائها وجغرافيتها،
انسانها وجمادها، بقي هائماً بها طوال حياته وقد انتقلت الى شعره لتحيا وتخلد. منشئ مجلة «السبعلي» الزجلية (1938) .
دواوينو المطبوعا ومفقودي من السوق: حكايات- عطور من لبنان- هادا لبنان- سلوا- دمعة السبعلي ومنجيرة الراعي

ام حبيب

ستي ام حبيب، كانت تحبني كتير، عاشت تمانين سنه، وضلت بوعيها الكامل،
وكانت تخبرني كيف فارت خابية الزيت مرتين بالقبو،
وكيف لمن ترعد السما تقلي: صلب إيدك عا وجك، وقول قدوس..
ما زعلت مني مره.. مره واحده لمن شافتني تظفرت يوم الجمعه..
وفي بينها وبين المغزال صحبه قديمه..
وكانت تحب الناس، وما اندقر منها حدا، والله عطاها القوه، ضلت تعبر الابره لآخر ساعه من حياتها،
وباستني آخر بوسه وانطفى سراج ام حبيب.

كومات كوما السنين مبيني

عا جبينك، بإيد الزمان مدوني..

من بيتك، لباب الكنيسه، هالطريق.

ولهون عندك- آخر حدود الدني-

هالبيت، قلبك غامرو بحنيتو

أنتي سراجو وضحكتو وغنيتو

محبه قديمه بينك وبين فيّتو

وأيا صداقه عمرها مية سني..

خيالك عا هالحيطان، عا هالقنطرا

عالرف، عالصندوق، عا هالسكرا

ومغزالك الإيدك عا خصرو مصورا

صفّى بعد منّك بحاله محزني..

وهالمسبحه، ياما دموعي سقيتها

قدّيش منها ريحتك شميتها

بعدك دخيره بيتنا خلّيتها

من كنوزها نفوس الفقيره بتغني

منديل يا تذكار للعيله بقيت

عنك حكاية عمر للدنيي حكيت

بعدك يا هالمنديل فايق او نسيت؟

كيف كنت عا هاك الجدايل تنحني؟

التنّور، يلّي النار كنتي تطعميه

وخدّ هالكاره بشوق تبوّسيه

اسودّ قلبو..خيّم الغزّال فيه

من بعد إيد الفيه كانت تعتني..

وهالزنزلختي استفقدت نسماتها

عليكي ودبلت عالنوى ورقاتها

هالجارة الكنتي تحت فيّاتها

بإسم المحبة تزولفي وتميجني

العطف قلبو كان صدرك هالرحيب

وقلبك حنانو للقريب والغريب

غنيتّك: الله وحبيب وبو حبيب

وهالضيعة البتطل عا احلى دني

الرجوع الى أعلى الصفحة اذهب الى الأسفل
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8234
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: رد: قصايد زجل    الخميس يوليو 08, 2010 9:26 pm

طليع حمدان/موسى زغيب
حفلة عين سعاده





_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8234
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: سهرة زجل موسى زغيب و فرقته في حمص   الخميس يوليو 08, 2010 10:36 pm

سهرة زجل موسى زغيب و فرقته في حمص





_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
أبو فادي

avatar

الجنس : ذكر
المشاركات : 273
العـمر : 32
الإقامة : سوريا
العـمل : !!!
المزاج : جيد
السٌّمعَة : 12
التسجيل : 08/01/2010

مُساهمةموضوع: رد: قصايد زجل    السبت يوليو 10, 2010 10:41 am

يسلمو عالفيديو حول كثير وياريت فيك تحط حفلة بيت مري
................
من قصايد زغلول الدامور
...................
زجلنا
زجلنا الما لنا عيشي بدونو
رح تدبل زهوره على غصونو
بأيـّا شكل وبأيّا طريقه
من نياب الخطر لازم نصونو
اعذروني ان كنت عم بحكي الحقيقة
يا مسؤولين سهرانين كونو
قبل ما نوقع ويوقع بضيقه
رجلنا لازم نمكّن حصونو
بيجي كل مطرب يغش الخليقه
وبيصير يجنّ ع المسرح جنونو
ويترقوص على صوت الموسيقى
متل شي قرد ع الشجرة يا نونو
وألف دولار يقبض بالدقيقه
ع نتف حواجبه وكحلة جفونو
ع شو؟ ع لحم غنيه عتيقه
أو تا يلعب بعقل الصبايا
بشعراتو وبتدبيلة عيونو
...................
الرجوع الى أعلى الصفحة اذهب الى الأسفل
Ginwa
صديقة فيروزية نشيطة
صديقة فيروزية نشيطة
avatar

الجنس : انثى
المشاركات : 1198
العـمر : 48
الإقامة : لبنان
العـمل : عمل مكتبي
المزاج : ماشي الحال
السٌّمعَة : 4
التسجيل : 06/04/2007

مُساهمةموضوع: رد: قصايد زجل    الأحد يوليو 11, 2010 9:05 am

يمكن ماكثير بيعرف أنو في شاعرة زجلية أسمها أوديت خوري ومن قصائدها
بعد غيبه طويله
يا منطقتي بحضوري وبغيابي
بربيع العمر رافقتي عذابي
كنت بأرضك بداية صبيه
وجدّد اليوم تاجدّد شبابي
كنتي لو هنايي غلّ فيي
توعّيني ع نسمات الروابي
يا أنصار الزجل إلكن تحيه
عنها بيعجز يفسّر خطابي
حملت القلب عاكفّي هديه
وقصيد معتّق بعمر الخوابي
يا أحلا قمار طلّوا بهالعشيّه
النظر منكن ما بيشبع صبابي
أنا من هون من ضيعه وفيه
بجوارك رمش عيني كان رابي
أنا من ورودك من المزهريه
بيني وبينك إلفه وقرابي
انتو لجرح قلبي صيدليه
وأحلا بلسم بقسم الطبابي
أنا من نص قلب العزونيه
وإجو الحلوين لكن عاحسابي
أنا من شرابك الغالي عليي
وجايي من بعد غيبي طويلي
عأرضك إركع وبوّس ترابي
* * *
الرجوع الى أعلى الصفحة اذهب الى الأسفل
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8234
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: زجل فراس العنداري 12 سنة   الخميس يوليو 29, 2010 9:50 pm


_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
عاشقة فيروزة

avatar

الجنس : انثى
المشاركات : 83
العـمر : 27
الإقامة : Syria
السٌّمعَة : 1
التسجيل : 04/06/2008

مُساهمةموضوع: رد: قصايد زجل    الأحد أغسطس 01, 2010 5:13 pm

إلقاء هالشب حلو كثير وكلمات القصيدة حلوة وجريء بالكلام يسلمو عالفيديو ...
الرجوع الى أعلى الصفحة اذهب الى الأسفل
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8234
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: رد: قصايد زجل    الأربعاء أغسطس 04, 2010 11:43 pm

مقطوعة رائعة لموسى زغيب في المرأة
................


http://img413.imageshack.us/flvplayer.swf?f=Pfile27778

_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Ginwa
صديقة فيروزية نشيطة
صديقة فيروزية نشيطة
avatar

الجنس : انثى
المشاركات : 1198
العـمر : 48
الإقامة : لبنان
العـمل : عمل مكتبي
المزاج : ماشي الحال
السٌّمعَة : 4
التسجيل : 06/04/2007

مُساهمةموضوع: رد: قصايد زجل    الجمعة أغسطس 06, 2010 6:07 pm

هالمقطوعة رائعة للشاعر موسى زغيب وفيها وصف جميل واللي بيسمع المقطوعة بيشرد مع الصور اللي بالفيديو..يسلمو إيديك .
وأنا بشارك بقصيدة
" أنا والسهر "

وحــــدي ... والـقـلــم حـــــدّي

يغـافـل شـــرودي ويـســرق الـــرّدّة
والـــــــصـــــــبـــــــح
تـــا يـفـيّــق مــــرج أخــضــر
قصـقـص تـيـاب اللـيـل تــا تقـصـر
واللـيـل مــا بيـفـل ... تــا يـنــدّي
وحدي ... وشتي .. وليل ... وصلا ... وشموع
سـهـران ... بـيـن القافـيـة والـحــرف
إكـتـب .. وإمـحـي إسمـهـا المـوجـوع
للـمـرّة العشـريـن ... بـعــد الألـــف
حسّيـت صـرلـي شــي سـنـي وأكـتـر
مـــا لـقــي خــــدّي عـالـمـخـده
وشـمـع العـاضـوّه كـنــت عمبـسـهـر
اصـفـر لـونـو مــن السـهـر قـــدّي
سألـتـو ... نـسـي مــا عــاد يتـذكّـر
ان كــنّــي خَـــــدت خـــــدّو ...
يــمـــا أخـــــد ... خــــــدّي
وُوصْلِـتْ لعنـدي مرنّحـة مــن الـطَـوف
الطَـوف ... المحـي دعسـات مـا ضيـهـا
وبعَيْنـهـا ... مـرقـو السـهـر والـخـوف
ودشّـــرو لـــون الـتـعـب فـيـهــا
وبـلّــش يـقـلـي عـقـدهـا الـمـرمـر
بــــــتـــــــحـــــــب؟؟؟
قِـلــت الــحــبّ مــــن ربــــي
قالـتْ ... الـمـا بيـحـب مــا بيسـهـر
وليـلَـكْ سَـهَــر لا تـجــرّب تـخـبّـي
قلـت ... شِـعـري ... وشَـعـرِكْ الأشـقـر
اختـصـرو الـدنـي ... وتملّـكـو حـبّــي
بسهَـر عـا بـيـت الشِـعـر تــا يشـفـا
وعـا وعـد شَعـرِك تــا يـجـي لـحـدّي
وبينـك ... وبـيـن الشِـعـر مــا بغـفـا
بَــس القَهَـرنـي ... خلـصـت الـمــدّه
ورح تـهــرب الأيـــام مـــن يـــدّي
ولا قـــــــــدِرت حــــبّـــــو
قــــــد مـــــــا بـــــــدّو
ولا قـــــــدِرت حــــبِّــــك ...
قــــــد مـــــــا بـــــــدّي

" موسى زغيب "

الرجوع الى أعلى الصفحة اذهب الى الأسفل
Amer-H
صديق فيروزي متميز جدا
صديق فيروزي متميز جدا
avatar

علم الدولة : Syria
الجنس : ذكر
المشاركات : 8234
الإقامة : Sweden
العـمل : IT-computer
المزاج : Good
السٌّمعَة : 313
التسجيل : 09/02/2007

مُساهمةموضوع: رد: قصايد زجل    الأحد أغسطس 08, 2010 10:10 am

قصيدة رائعة للأستاذ موسى زغيب وقد حاولت أن أبحث عن تسجل لها بصوته فاللأسف فلم أجدها
يرجى من يجد تسجل لها في أي موقع يخبرنا عن الرابط .
شكرا لك ياغنوة

_________________
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
 
قصايد زجل
الرجوع الى أعلى الصفحة 
صفحة 1 من اصل 5انتقل الى الصفحة : 1, 2, 3, 4, 5  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
 :: 000{ القسم الأدبي والشعري }000 :: أصدقاء شعر الزجل والكلام المحكي-
انتقل الى: